01.04.2020 | 
Կրթություն
ԵՊՀ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏՈՒՄ ՀՆԱՐԱՎՈՐ ԲՈԼՈՐ ՄԻՋՈՑՆԵՐՈՎ ԻՐԱԿԱՆԱՑՎՈՒՄ Է ՀԵՌԱՎԱՐ ՈՒՍՈՒՑՈՒՄ
ԵՊՀ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏՈՒՄ ՀՆԱՐԱՎՈՐ ԲՈԼՈՐ ՄԻՋՈՑՆԵՐՈՎ ԻՐԱԿԱՆԱՑՎՈՒՄ Է ՀԵՌԱՎԱՐ ՈՒՍՈՒՑՈՒՄ
ՀՀ տարածքում արտակարգ դրություն հայտարարելու որոշմամբ պայմանավորված՝ ԵՊՀ ֆակուլտետներն անցել են հեռավար ուսուցման: Մաթեմատիկայի և մեխանիկայի ֆակուլտետում առցանց ուսուցման, դրա իրականացման մեթոդների, ուսանողների ներգրավվածության մասին զրուցել ենք ֆակուլտետի դեկան Արթուր Սահակյանի հետ:

Այն հարցին, թե արդյո՞ք գոհ է առցանց ուսուցման ընթացքից, դեկանը պատասխանեց.«Այո, գոհ եմ, քանի որ այսօր սա ուսուցման միակ հնարավոր տարբերակն է: Բայց թե սրա արդյունավետությունը որքանով բարձր կլինի, ժամանակը ցույց կտա»:

 

Ա. Սահակյանը նշեց, որ գրեթե բոլոր դասընթացներն իրականացվում են: Նրա փոխանցմամբ, իհարկե, կան մեծահասակ դասախոսներ, որոնք դժվարանում են առցանց ուսուցում կազմակերպել, սակայն իրենց դասընթացի նյութերը պարտադիր տեղադրում եմ «Moodle» հարթակում:

 

«Մեր ֆակուլտետում առցանց ուսուցման վերաբերյալ առաջին հաշվետվությունը ներկայացրել ենք երեկ, ըստ որի՝ ուսանողության մասնակցությունը դասերին տարբեր է: Ցածր կուրսերի ուսանողներն ավելի ակտիվ են մասնակցում՝ 70-80 տոկոս, իսկ բարձր կուրսերը  մի փոքր ավելի պասիվ են՝ մոտ 50-60 տոկոս: Բայց կարող եմ ասել, որ նրանց մասնակցության ցուցանիշը հիմա ավելի բարձր է, քան առկա ուսուցման ժամանակ»,- նշեց Մաթեմատիկայի և մեխանիկայի ֆակուլտետի դեկանը:

 

Նա նաև ասաց, որ ավարտական կուրսերի ուսանողները նույնպես կապի մեջ են իրենց աշխատանքների ղեկավարների հետ և չնայած առաջացած խնդիրներին՝ ամեն բան անում են՝ աշխատանքը պատշաճ ներկայացնելու համար:

 

Մարինա Առաքելյան

 

Այլ նորություններ
«ՇԱՏ ԿԱՐԵՎՈՐ Է ՎԵՐԱՑՆԵԼ ՄԻՋԱԿՈՒԹՅԱՆ ԳԱՂԱՓԱՐԸ ԵՎ ՁԳՏԵԼ ՍԵՓԱԿԱՆ ՈԼՈՐՏՈՒՄ ՀԱՍՆԵԼ ԱՌԱՎԵԼԱԳՈՒՅՆԻՆ»․ ՄՈՆԻԿԱ ԻՍՐԱՅԵԼՅԱՆ
ԵՊՀ ֆարմացիայի ինստիտուտի մագիստրատուրայի առաջին կուրսի ուսանողուհի Մոնիկա Իսրայելյանը ԿԳՄՍ նախարարության կազմակերպած «Հանրապետության լավագույն ուսանող-2020» մրցույթի հաղթողներից է:
ՄԵԿՆԱՐԿՈՒՄ Է «ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆՈՒՄ ԴԱՍԱՎԱՆԴՄԱՆ ԳԵՐԱԶԱՆՑՈՒԹՅԱՆ ՄՐՑԱՆԱԿ» ԱՄԵՆԱՄՅԱ ՄՐՑՈՒՅԹԸ
ԵՊՀ-ում արդեն երկրորդ տարին անընդմեջ կազմակերպվում է «ԵՊՀ-ում դասավանդման գերազանցության մրցանակ» խորագրով ամենամյա մրցույթը, որի նպատակն է խթանել ԵՊՀ-ում դասավանդման մեթոդների կատարելագործումը, նպաստել արդի մեթոդների կիրառմանը, ինչպես նաև լավագույն փորձի տարածմանը: