25.05.2020 | 
Հասարակություն
ԵՊՀ ՏՆՏԵՍԱԳԻՏՈՒԹՅԱՆ ՏԵՍՈՒԹՅԱՆ ԱՄԲԻՈՆԻ ՊԱՏՎԱՎՈՐ ՎԱՐԻՉ, ՊՐՈՖԵՍՈՐ Գ. ՂԱՐԻԲՅԱՆԸ ՆՇՈՒՄ Է ԾՆՆԴՅԱՆ 90-ԱՄՅԱԿԸ
ԵՊՀ ՏՆՏԵՍԱԳԻՏՈՒԹՅԱՆ ՏԵՍՈՒԹՅԱՆ ԱՄԲԻՈՆԻ ՊԱՏՎԱՎՈՐ ՎԱՐԻՉ, ՊՐՈՖԵՍՈՐ Գ. ՂԱՐԻԲՅԱՆԸ ՆՇՈՒՄ Է ԾՆՆԴՅԱՆ 90-ԱՄՅԱԿԸ
Մայիսի 25-ին լրանում է ԵՊՀ տնտեսագիտության և կառավարման ֆակուլտետի տնտեսագիտության տեսության ամբիոնի պատվավոր վարիչ, պրոֆեսոր Գ. Ղարիբյանի ծննդյան 90-ամյա հոբելյանը:

Պրոֆեսոր Գ. Ղարիբյանի ծննդյան 90-ամյակը շնորհավորել է ԵՊՀ ռեկտորի ժ.պ. պարոն Գեղամ Գևորգյանը։ Շնորհավորական ուղերձում Գ. Գևորգյանը մասնավորաբար նշել է. «Արդեն ավելի քան 70 տարի է, ինչ Դուք Երևանի պետական համալսարանում եք: Երկարամյա և բարեխիղճ աշխատանքի, մարդկային իմաստուն խառնվածքի շնորհիվ Դուք, իրավամբ, վայելում եք մեծ հարգանք թե՛ համալսարանականների, թե՛ առհասարակ գիտական շրջանակում և՛ որպես փորձառու ու հեռատես գիտնական, և՛ որպես կրթության ու գիտության կազմակերպիչ, որը շատ բան է արել համալսարանի, ինչպես նաև հանրապետության բուհական համակարգի զարգացման համար:

 

Դժվար է թերագնահատել հատկապես Ձեր անձնական ներդրումը տնտեսագիտական կրթության՝ Մայր բուհ հայրենադարձի գործում:

 

Երևանի պետական համալսարանի ողջ կոլեկտիվի և ուսանողության անունից անկեղծորեն մաղթում եմ Ձեզ քաջառողջություն, երջանկություն, բարօրություն, նորանոր հաջողություններ և ամենայն բարիք»:

 

Նշենք նաև, որ նախատեսվում է Գ. Ղարիբյանի ծննդյան հոբելյանը նշել 2020 թ․ սեպտեմբեր-հոկտեմբեր ամիսներին՝ հույս ունենալով ոչ առցանց տարբերակով:

 

Ծննդյան առթիվ պրոֆեսորին այցելել են ԵՊՀ ռեկտորի ժ․պ․, ՀՀ ԳԱԱ ակադեմիկոս Գ. Գևորգյանն ու Տնտեսագիտության և կառավարման ֆակուլտետի դեկան, պրոֆեսոր  Հ. Սարգսյանը, ծանոթացել են ՀՀ ԳԱԱ թղթակից անդամ, պրոֆեսոր Գ. Ղարիբյանի ստեղծած գեղանկարներին:

Այլ նորություններ
ԳԵՎՈՐԳ ԱՐՇԱԿՅԱՆԸ «ՄԱՐՏԱԿԱՆ ԽԱՉ» 1-ԻՆ ԱՍՏԻՃԱՆԻ ՇՔԱՆՇԱՆԱԿԻՐ Է
Արցախի Հանրապետության նախագահ Արայիկ Հարությունյանի որոշմամբ, ԵՊՀ շրջանավարտ, ավագ լեյտենանտ, Արցախյան երկրորդ պատերազմին մասնակցած և Շուշիի պաշտպանության համար հերոսաբար զոհված Գևորգ Արշակյանը պարգևատրվել է «Մարտական խաչ» 1-ին աստիճանի շքանշանով, որն այսօր ԵՊՀ ռեկտորի ժ.պ. Գեղամ Գևորգյանը փոխանցել է նրա ընտանիքին:
«ՈՒԺԵՂ ՊԵՏՈՒԹՅԱՆ ՀԻՄՔՈՒՄ ՀԶՈՐ ԳԻՏՈՒԹՅՈՒՆՆ Է». ՄՀԵՐ ԽԱՉԱՏՐՅԱՆ
ԵՊՀ ֆիզիկայի ֆակուլտետի 4-րդ կուրսի ուսանող Մհեր Խաչատրյանը ԿԳՄՍ նախարարության կազմակերպած «Հանրապետության լավագույն ուսանող-2020» մրցույթի հաղթողներից է: Մեքենայական ուսուցման ոլորտում մասնագիտացող Մհերի հետ զրուցել ենք մասնագիտության ընտրության, դրա հեռանկարների, կրթության ու գիտության զարգացմանն ուղղված քայլերի մասին: