կամ
Մեր մասին

Ձեռնարկությունների հետ ԵՊՀ համագործակցության ինտերնետային պորտալը ստեղծվել է ԵՊՀ-ի՝ ձեռնարկությունների հետ համագործակցության արդյունավետության բարձրացման նպատակով: Պորտալում ներկայացված են ԵՊՀ գործընկեր ձեռնարկությունների տվյալների բազան, ձեռնարկությունների հետ համագործակցության ֆակուլտետային խորհուրդների կազմը, իրականացված աշխատանքները, ինչպես նաև հայտարարություններ՝ պրակտիկաների, աշխատանքային հնարավորությունների, դասընթացների վերաբերյալ:

Ձեռնարկությունների հետ համագործակցության արդյունավետության բարձրացման նպատակով ԵՊՀ-ում իրականացվում են մի շարք ծրագրեր, կազմակերպվում են միջոցառումներ, հանդիպումներ, համաժողովներ, ընդունելություններ, որոնց մասնակցում են աշխատաշուկայում ակտիվ դերակատարութուն ունեցող պետական և մասնավոր ոլորտի ներկայացուցիչներ, փորձագետներ, համալսարանական իրազեկ անձինք:


Ձեռնարկությունների հետ ԵՊՀ համագործակցությունն իրականացվում է հետևյալ ուղղություններով՝

 

• Ձեռնարկությունների ներկայացուցիչների մասնակցություն կրթական ծրագրերի մշակման, հաստատման և մոնիթորինգի գործընթացներում
• Ձեռնարկությունների ներկայացուցիչների մասնակցություն դասավանդման աշխատանքներում
• Ուսումնական պլանով նախատեսված և արտաուսումնական պրակտիկայի կազմակերպում
• Ուսանողների և շրջանավարտների մասնագիտական կարիերայի զարգացմանը նպաստող ծրագրերի իրականացում
• ԵՊՀ ուսանողների և շրջանավարտների աշխատանքի տեղավորման խնդրի լուծմանն աջակցում
• Ձեռնարկությունների հետ համատեղ կրթական ծրագրերի իրականացում
• Ձեռնարկությունների աշխատակազմի անդամների վերապատրաստում
• Ձեռնարկությունների բիզնես հեղինակության բարձրացմանը միտված և այլ ուղղություններով աշխատանքների կազմակերպում:

 

Ձեռնարկությունների հետ համագործակցության բնագավառում գերակա են համարվում հետևյալ ոլորտները՝

 

• Տեղեկատվական տեխնոլոգիաներ,
• Միկրոէլեկտրոնիկա և հեռահաղորդակցություն,
• Սննդի անվտանգություն և կենսատեխնոլոգիա,
• Դեղագործություն,
• Հանքարդյունաբերություն,
• Զբոսաշրջություն և սերվիսի բնագավառ,
• Կառավարում, շուկայագիտություն, ֆինանսական, բանկային և ապահովագրական ոլորտ,
• Հոգեբանական ծառայություններ,
• Իրավաբանական խորհրդատվական ծառայություններ:

 

Ձեռնարկությունների հետ աշխատանքները համակարգվում է ԵՊՀ գիտական խորհրդին կից ձեռնարկությունների հետ համագործակցություն ապահովող մշտական հանձնաժողովի կողմից, որը ստեղծվել է 2013թ-ին ՝ Շրջանավարտների և կարիերայի կենտրոնի նախաձեռնությամբ և ԵՊՀ գիտական խորհրդի հաստատմամբ: Հանձնաժողովի նախագահը ԵՊՀ ռեկտոր Արամ Սիմոնյանն է, աշխատակազմում ընդգրկված են բոլոր պրոռեկտորները, ֆակուլտետների դեկանները, վարչական ենթակառուցվածքների մի շարք ղեկավարներ, ուսանողական կառուցների ներկայացուցիչներ: Հանձնաժողովի քարտուղարությունն իրականացնում է ԵՊՀ շրջանավարտների և կարիերայի կենտրոնը:


ԵՊՀ ձեռնարկությունների հետ աշխատանքի համար հիմք է հանդիսանում Ձեռնարկությունների հետ ԵՊՀ համագործակցության ռազմավարությունը, որը սահմանում է ՀՀ պետական և մասնավոր ընկերությունների ու ձեռնարկությունների, ինչպես նաև միջազգային տարբեր կազմակերպությունների հետ ԵՊՀ–ի կողմից իրականացվող աշխատանքների հիմնական սկզբունքները, գերակայությունները և համապատասխան աշխատանքային ձևաչափերը:

 


ԵՊՀ գործընկեր ձեռնարկությունների տվյալների ամբողջական բազան վարում է ԵՊՀ շրջանավարտների և կարիերայի կենտրոնը, որը նաև միջոցներ է ձեռնարկում նոր գործընկեր կազմակերպությունների հետ կապեր ստեղծելու ուղղությամբ, պարբերաբար կազմակերպում է ձեռնարկությունների հետ համագործակցության զարգացմանը միտված միջոցառումներ: Համապատասխան աշխատանքները խթանելու և ուսանողների մոտիվացիան բարձրացնելու նպատակով ԵՊՀ շրջանավարտների և կարիերայի կենտրոնը պարբերաբար կազմակերպում է տոնավաճառներ, այցելություններ ձեռնարկություններ, հանդիպումներ, քննարկումներ, սեմինար-դասընթացներ:


Ուսանողների և գործատուների միջև հետադարձ կապն ապահովելու համար արդյունավետ գործիք են հանդիսանում նաև HEN GEAR շրջանավարտների գրանցման պորտալը և Շրջանավարտների և կարիերայի կենտրոնի պաշտոնական կայքը:

 

ԵՊՀ-ՈՒՄ ԱՆՑԿԱՑՎԵՑ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԴԵՐԸ ԲԻԶՆԵՍՈՒՄ» ԽՈՐԱԳՐՈՎ ԴԱՍԸՆԹԱՑ
ԵՊՀ-ՈՒՄ ԱՆՑԿԱՑՎԵՑ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԴԵՐԸ ԲԻԶՆԵՍՈՒՄ» ԽՈՐԱԳՐՈՎ ԴԱՍԸՆԹԱՑ
ԵՊՀ շրջանավարտների և կարիերայի կենտրոնի կազմակերպած դասընթացի նպատակն էր մասնակիցներին ծանոթացնել հանրային հաղորդակցման հիմքերի, հանրային արշավների կազմակերպման փուլերի, PR ռազմավարությունների մշակման, PR նախագծերի պլանավորման և ներկայացման հիմունքներին, ինչպես նաև ներկայացնել կազմակերպության հեղինակության և վարքի բարելավմանն ուղղված առաջարկների և հանձնարարականների մշակման սկզբունքները։
ԵՊՀ ՈՒՍԱՆՈՂՆԵՐԸ ՀՆԱՐԱՎՈՐՈՒԹՅՈՒՆ ՈՒՆԵՆ ԱՇԽԱՏԵԼՈՒ ԿԵՆՏՐՈՆԱԿԱՆ ԲԱՆԿԻ ՏԱՐԲԵՐ ԲԱԺԻՆՆԵՐՈՒՄ
ԵՊՀ ՈՒՍԱՆՈՂՆԵՐԸ ՀՆԱՐԱՎՈՐՈՒԹՅՈՒՆ ՈՒՆԵՆ ԱՇԽԱՏԵԼՈՒ ԿԵՆՏՐՈՆԱԿԱՆ ԲԱՆԿԻ ՏԱՐԲԵՐ ԲԱԺԻՆՆԵՐՈՒՄ
ԵՊՀ շրջանավարտների և կարիերայի կենտրոնի և ՀՀ կենտրոնական բանկի համագործակցության շրջանակում կազմակերպվեց տեղեկատվական հանդիպում բանկի նոր՝ «Երիտասարդ մասնագետների ներգրավման ծրագրի» շրջանակում։ Կենտրոնական բանկի ներկայացուցիչների հետ հանդիպումը տարբեր ֆակուլտետներում սովորող ուսանողների հետ նպատակ ուներ ծանոթացնելու ուսանողներին ՀՀ կենտրոնական բանկի գործունեությանը, ներկայացնելու բանկի կողմից առաջարկվող նոր ծրագիրը:
ԵՊՀ ՈՒՍԱՆՈՂՆԵՐԸ ԾԱՆՈԹԱՑԱՆ ԲԱՆԿԱՅԻՆ ՈԼՈՐՏՈՒՄ ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆՆԵՐԻՆ
ԵՊՀ ՈՒՍԱՆՈՂՆԵՐԸ ԾԱՆՈԹԱՑԱՆ ԲԱՆԿԱՅԻՆ ՈԼՈՐՏՈՒՄ ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆՆԵՐԻՆ
ԵՊՀ շրջանավարտների և կարիերայի կենտրոնի կողմից կազմակերպված հանդիպման նպատակն էր ուսանողներին և շրջանավարտներին ներկայացնել ֆինանսաբանկային համակարգում աշխատանքային փորձ չունեցող երիտասարդների համար նախատեսված «Դարձի՛ր բանկիր» ծրագիրը և բանկային ոլորտում աշխատանքի հնարավորությունները: