21.01.2022 | 
Հասարակություն
ԵՊՀ-ՈՒՄ ԴԱՍԱԽՈՍՈՒԹՅՈՒՆ Է ԿԱՐԴԱՑԵԼ ՄԱՍԱՉՈՒՍԵԹՍԻ ՏԵԽՆՈԼՈԳԻԱԿԱՆ ԻՆՍՏԻՏՈՒՏԻ ՊՐՈՖԵՍՈՐ ԱՐԵԳ ԴԱՆԱԳՈՒԼՅԱՆԸ
ԵՊՀ-ՈՒՄ ԴԱՍԱԽՈՍՈՒԹՅՈՒՆ Է ԿԱՐԴԱՑԵԼ ՄԱՍԱՉՈՒՍԵԹՍԻ ՏԵԽՆՈԼՈԳԻԱԿԱՆ ԻՆՍՏԻՏՈՒՏԻ ՊՐՈՖԵՍՈՐ ԱՐԵԳ ԴԱՆԱԳՈՒԼՅԱՆԸ
ԵՊՀ ֆիզիկայի ֆակուլտետում «Սպառազինությունների վերահսկման պայմանագրերի ստուգում միջուկային ռեզոնանսների միջոցով» թեմայով դասախոսությամբ է հանդես եկել Մասաչուսեթսի տեխնոլոգիական ինստիտուտի պրոֆեսոր Արեգ Դանագուլյանը:

Արեգ Դանագուլյանը ծնվել է Երևանում: Նա սովորել է Երևանի Արտաշես Շահինյանի անվան ֆիզիկամաթեմատիկական հատուկ դպրոցում։ 1993 թվականին՝ դպրոցն ավարտելուց հետո, նրա ընտանիքը տեղափոխվել է ԱՄՆ:

 

Ա. Դանագուլյանն ուսումը շարունակել է Մասաչուսեթսի տեխնոլոգիական ինստիտուտում (MIT), որտեղ մասնագիտացել է միջուկային գիտության և ճարտարագիտության մեջ: Նա այժմ Մասաչուսեթսի տեխնոլոգիական ինստիտուտի պրոֆեսոր է:

 

 

Ա. Դանագուլյանն իր գիտական թիմի հետ 2020 թ. արժանացել է «Arms Control Person of the Year» մրցանակին, որը տրվում է այն անձանց կամ կազմակերպություններին, որոնք զինամթերքի վերահսկման, տարածման կանխարգելման, զինաթափման կամ զենքի սպառնալիքների մասին իրազեկվածության բարձրացման արդյունավետ տարբերակներ են առաջարկում։

 

Մասաչուսեթսի տեխնոլոգիական ինստիտուտի պրոֆեսորի և նրա թիմի աշխատանքը ներառում է նեյտրոնային փնջերի օգտագործմամբ միջուկային սպառազինության ստուգման նորարար գործընթացի մշակումը։

 

 

ԵՊՀ ֆիզիկայի ֆակուլտետում տեղի ունեցած հանդիպման ժամանակ նա մանրամասնել է, թե ինչ է իրենից ներկայացնում միջուկային զենքը, խոսել հասարակական ու քաղաքական այն խնդիրների մասին, որոնցից բխում են տեխնոլոգիական խնդիրները և անդրադարձել միջուկային սպառազինության վերահսկման մեխանիզմներին:

 

Դասախոսության ավարտին պրոֆեսորը պատասխանել է ներկաների հարցերին:

Այլ նորություններ
ԵՊՀ-ՈՒՄ ԱՆՑԿԱՑՎԵՑ «ԿԻՐԱՌԱԿԱՆ ՔԻՄԻԱ. ԷՔՍՊՈ 2022»-Ը
ԵՊՀ բակում Քիմիկի միջազգային օրվան ընդառաջ կայացավ «Կիրառական քիմիա. էքսպո 2022» ցուցահանդեսը, որի շրջանակում Մայր բուհի բակում էին ՀՀ շուրջ 35 արտադրող ընկերության ներկայացուցիչ, ավելի քան 10 000 մասնակից, որոնց թվում՝ 3500 դպրոցական: Ցուցադրության ընթացքում ներկայացվեց քիմիայի կիրառությունը կյանքում, մասնավորապես կենցաղային քիմիայի, խնամքի կոսմետիկ միջոցների, սննդի արդյունաբերության, դեղագործության, հանքահումքային արդյունաբերության և շինանյութի արտադրության, ագրարային, էկոլոգիայի, ինչպես նաև արտադրության որակի վերահսկաման ոլորտներում։
ԵՊՀ-ՈՒՄ ՄԵԿՆԱՐԿԵՑ «ԿԻՐԱՌԱԿԱՆ ՔԻՄԻԱ. ԷՔՍՊՈ 2022»-Ը
Քիմիկի միջազգային օրվան ընդառաջ կազմակերպված էքսպոյի շրջանակում Մայր բուհի բակում էին ՀՀ շուրջ 35 արտադրող ընկերության ներկայացուցիչ և ավելի քան 2500 դպրոցական: