04.07.2022 | 
Ուսանողական, Կրթություն, Հասարակություն, Մշակույթ
«ԻՆՉՊԵ՞Ս ՄԱՍՐԵՆՈՒ ՊՏՈՒՂՆԵՐՈՒՄ ՊԱՀՊԱՆԵԼ C ՎԻՏԱՄԻՆԻ ԱՌԱՎԵԼԱԳՈՒՅՆ ՔԱՆԱԿ»․ ԵՊՀ ՈՒՍԱՆՈՂՆԵՐԸ ՄԱՍՆԱԿՑԵԼ ԵՆ «ՀԱՅ ԲՈՒՅՍ» 8-ՐԴ ՓԱՌԱՏՈՆԻՆ
«ԻՆՉՊԵ՞Ս ՄԱՍՐԵՆՈՒ ՊՏՈՒՂՆԵՐՈՒՄ ՊԱՀՊԱՆԵԼ C ՎԻՏԱՄԻՆԻ ԱՌԱՎԵԼԱԳՈՒՅՆ ՔԱՆԱԿ»․ ԵՊՀ ՈՒՍԱՆՈՂՆԵՐԸ ՄԱՍՆԱԿՑԵԼ ԵՆ «ՀԱՅ ԲՈՒՅՍ» 8-ՐԴ ՓԱՌԱՏՈՆԻՆ
ԵՊՀ կենսաբանության ֆակուլտետի բուսաբանության և սնկաբանության ամբիոնի աշխատակիցներն ու բակալավրիատի ուսանողները մասնակցել են Տավուշի մարզի Ենոքավան գյուղում անցկացված «Հայ բույս 2022» 8-րդ փառատոնին:

Փառատոնի նպատակն էր նպաստել բնապահպանական մտածելակերպի զարգացմանը, ինչպես նաև այցելուներին ցույց տալ բնության բարիքները կենցաղում արդյունավետ օգտագործելու եղանակները: Միջոցառման ընթացքում մասնակիցները ծանոթացան հայկական մշակույթին, ձեռք բերեցին նոր գիտելիքներ բույսերի և սնկերի մասին, մասնակցեցին ուսուցողական միջոցառումների։

 

ԵՊՀ-ն ներկայացնող ավելի քան հիսուն մասնակիցները, ամենամյա ավանդույթի համաձայն, փառատոնին ներկայացել էին իրազեկող տաղավարով: Այս տարվա խորագիրն էր՝ «Ինչպե՞ս մասրենու պտուղներում պահպանել C վիտամինի առավելագույն քանակ»։ Ուսանողները փառատոնի մասնակիցներին ներկայացրին մանրադիտակային սնկերով օդի աղտոտվածության հիմնախնդիրը՝ առաջարկելով օդի մաքրման առավել անվտանգ և հասանելի եղանակներից օգտագործել ֆիտոնցիդային ակտիվությամբ օժտված բույսերը և օդը մաքրող նորագույն սարքավորումները։

 

 

Փառատոնի մասնակիցներին հետաքրքրեցին ուտելի և բուժիչ  հատկություններով օժտված գլխարկավոր սնկատեսակները։ Ամբիոնի ներկայացուցիչներն ուսանողների հետ ներկայացրին կախասունկ սովորականի աճեցման անթափոն տեխնոլոգիան՝ որպես սուբստրատ օգտագործելով թուղթը։

 

Փառատոնի ավարտին ԵՊՀ ուսանողները մասնակցեցին հայկական լավաշով, պանրով և զանազան կանաչիներով բրդուճի պատրաստմանը, որն ուներ հիսունվեց մետր երկարություն։

Այլ նորություններ
ՀԱՅԿԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՈՉՆՉԱՑՄԱՆ ՎՏԱՆԳՆ ԱՐՑԱԽՈՒՄ․ ԳԻՏՆԱԿԱՆՆԵՐԸ ՀԱՆԴԵՍ ԵՆ ԵԿԵԼ ԿՈՉՈՎ
2022 թ․ հուլիսի 15-19-ը ԵՊՀ-ում և Հայ Առաքելական եկեղեցու Վայոց ձորի թեմում տեղի է ունեցել «Արցախի մշակութային ժառանգությունը» խորագրով միջազգային գիտաժողով, որի ընթացքում ավելի քան երեսուն օտարերկրյա և հայ գիտնականներ ու փորձագետներ քննարկել են Լեռնային Ղարաբաղի տարածաշրջանում մշակութային արժեքների ստեղծման, պատմական զարգացման և ներկայիս վտանգվածության խնդիրները։
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
ԵՊՀ եվրոպական լեզուների և հաղորդակցության ֆակուլտետի ուսանող Աննա Մադաթյանը «Էրազմուս+» միջազգային կրեդիտային շարժունության ծրագրով կրթություն է ստացել Իսպանիայի Լա Կորունյա համալսարանում: Մեզ հետ զրույցում Աննան պատմել է լեզուների իմացության կարևորության, Իսպանիայում անցկացրած օրերի և այլ թեմաների մասին։