22.07.2021 | 
Հասարակություն
ԵՊՀ-Ն ԵՎ «ԱՅԳ»-Ը ՄԻԱՎՈՐՈՒՄ ԵՆ ՈՒԺԵՐԸ
ԵՊՀ-Ն ԵՎ «ԱՅԳ»-Ը ՄԻԱՎՈՐՈՒՄ ԵՆ ՈՒԺԵՐԸ
ԵՊՀ կիրառական հոգեբանության կենտրոնն ու «Այգ» հոգեբանական ծառայությունների կենտրոնն այսօր համաձայնագիր են ստորագրել՝ ազդարարելով համագործակցության նոր սկզբի մասին:

Հայաստանում ոլորտի զարգացման և արհեստավարժ հոգեբանական ծառայությունների մատուցումը խրախուսելու նպատակով կնքված այս համաձայնագիրը նպատակաուղղված է կողմերի գործունեության ու նրանց կողմից իրականացվող ծրագրերի շրջանակում մշտական շփումների և համագործակցության հաստատմանը:

 

Մեզ հետ զրույցում «Այգ» հոգեբանական ծառայությունների կենտրոնի հիմնադիր Վարուժան Մելքոնյանը նշեց, որ համագործակցության գաղափարն առաջացել է այն պահից, երբ ոլորտում ի հայտ են եկել հոգեբանական ծառայություն մատուցող բազում կասկածելի կազմակերպություններ, իսկ դիլետանտիզմը գնալով սկսել է ավելանալ:

 

Պարոն Մելքոնյանն ասաց, որ այս ոլորտում ԵՊՀ կիրառական հոգեբանության կենտրոնն այն եզակիներից է, որ շարունակում է մնալ արհեստավարժության և մասնագիտական էթիկայի շրջանակում՝ համալրվելով արհեստավարժ մասնագետներով:

 

 

«Հասկանալով, որ դիլետանտիզմի դեմ դժվար է պայքարել, քանի որ այն ավելի շատ է, քան արհեստավարժությունը, ԵՊՀ կիրառական հոգեբանության կենտրոնի հետ որոշեցինք խրախուսել լավ մասնագետներին և կենտրոններին»,- մեզ հետ զրույցում ասաց պարոն Մելքոնյանը:

 

Նրա խոսքով, այս համագործակցությունը շատ հեռանկարային է, և հետագայում նախատեսվում է համատեղ բազմաթիվ ծրագրերի ու միջոցառումների անցկացում: 

 

Հարկ է նշել, որ ԵՊՀ կիրառական հոգեբանության կենտրոնի ու «Այգ» հոգեբանական ծառայությունների կենտրոնի կնքած համագործակցության համաձայնագրի հիմնական ուղղություններից են կադրերի վերապատրաստման և որակավորման բարձրացման հարցերում համագործակցությունը, մասնագետների համար սուպերվիզաների ապահովումը, երիտասարդ կադրերի ընտրության և մասնագիտական աճի ապահովման աշխատանքների կազմակերպումը, ՀՀ-ում մասնագիտական գործունեության էթիկական նորմերի մշակումը,  մասնագիտական արհեստավարժության խրախուսմանն ուղղված տարատեսակ միջոցառումների իրականացումը, մասնագիտական հիմնախնդիրներին վերաբերող ուսումնասիրությունների, համատեղ գիտահետազոտական աշխատանքների, ինչպես նաև լուսավորչական աշխատանքների իրականացումը:

 

Անի Պողոսյան

Այլ նորություններ
ԵՊՀ-Ն 6-ՐԴ ՏԱՐԻՆ ԱՆԸՆԴՄԵՋ ԼԱՎԱԳՈՒՅՆՆ Է ՄԻՋԲՈՒՀԱԿԱՆ ՊԱՅՔԱՐՈՒՄ՝ ԱՅՍ ՏԱՐԻ ԴԱՏԱԽԱՂ-ՄՐՑՈՒՅԹԻ ՀԱՂԹՈՂԻ ԿՈՉՈՒՄԸ ԿԻՍԵԼՈՎ ՀԱՅԱՍՏԱՆՈՒՄ ՖՐԱՆՍԻԱԿԱՆ ՀԱՄԱԼՍԱՐԱՆԻ ՀԵՏ
ԵՊՀ իրավագիտության ֆակուլտետի և Միջազգային իրավական համագործակցության գերմանական հիմնադրամի (IRZ) համատեղ նախաձեռնությամբ իրականացվող քրեական իրավունքի և քրեական դատավարության հիմնախնդիրներին նվիրված միջբուհական դատախաղի եզրափակչում ԵՊՀ-ի և Հայաստանում Ֆրանսիական համալսարանների թիմերը ճանաչվել են հաղթողներ։
ԵՊՀ-Ն ԲԱՐԵԼԱՎԵԼ Է ԻՐ ԴԻՐՔԵՐՆ ԱՇԽԱՐՀԻ ԱՌԱՋԱՏԱՐ ԲՈՒՀԵՐԻ ՎԱՐԿԱՆԻՇԱՎՈՐՄԱՆ «U-MULTIRANK» ՄԻՋԱԶԳԱՅԻՆ ՀԱՄԱԿԱՐԳՈՒՄ
«U-Multirank»-ը հրապարակել է աշխարհի լավագույն բուհերի վարկանիշային 2021 թվականի ցուցակը, ըստ որի՝ ԵՊՀ-ն տարածաշրջանային 417 բուհերի շարքում բարելավել է իր դիրքերը։