14.01.2022 | 
Հասարակություն
ՆՈՐ ՀՆԱՐԱՎՈՐՈՒԹՅՈՒՆՆԵՐ ՔԻՄԻԱՅԻ ՈԼՈՐՏՈՒՄ. ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՊՀ-Ի ԵՎ ԿԵՆՑԱՂԱՅԻՆ ՔԻՄԻԱՅԻ ԳՈՐԾԱՐԱՆԻ ՄԻՋԵՎ
ՆՈՐ ՀՆԱՐԱՎՈՐՈՒԹՅՈՒՆՆԵՐ ՔԻՄԻԱՅԻ ՈԼՈՐՏՈՒՄ. ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՊՀ-Ի ԵՎ ԿԵՆՑԱՂԱՅԻՆ ՔԻՄԻԱՅԻ ԳՈՐԾԱՐԱՆԻ ՄԻՋԵՎ
Ուսումնական և գիտահետազոտական համատեղ ծրագրերի ու նախագծերի իրականացման, ինչպես նաև կրթության և գիտության զարգացմանը նպաստելու նպատակով ԵՊՀ-ի և Կենցաղային քիմիայի գործարանի միջև այսօր կնքվել է համագործակցության համաձայնագիր:

Համագործակցության նոր համաձայնագրով երկու կառույցներն այսուհետ միավորելու են իրենց ջանքերը՝ կենցաղային քիմիայի, քիմիայի և այլ ոլորտներում իրականացնելու բակալավրական և մագիստրոսական համատեղ ծրագրեր, ներդնելու ուսումնալաբորատոր և ուսումնամեթոդական բազաներ, լաբորատորիաներ, մարդկային ռեսուրսներ, մասնագիտական գիտելիքներ, ունակություններ և հմտություններ:

 

Այսօր տեղի ունեցած հանդիպմանը մասնակցում էին ԵՊՀ ռեկտոր Հովհաննես Հովհաննիսյանը, Քիմիայի ֆակուլտետի դեկան Տարիել Ղոչիկյանը, դեկանի տեղակալ Արմեն Գալստյանը, գործարանի փոխտնօրեն Կարեն Խաչատրյանը և գիտական մասի ղեկավար Բաբկեն Բայացյանը:

 

 

Հ. Հովհաննիսյանը նշեց, որ այս համագործակցությունը, ի թիվս բազմաթիվ հնարավորությունների, նպաստելու է նաև ուսանողների մասնագիտական հմտությունների կատարելագործմանը:

 

ԵՊՀ ռեկտորն ընդգծեց, որ նոր փոխգործակցությունը բուհ-աշխատաշուկա կապի ամրապնդման վառ դրսևորում է, ինչն առավել արդյունավետ է դարձնելու ուսանողների՝ աշխատաշուկայում մրցունակ լինելու կարողունակությունների զարգացումը, ինչպես նաև խթանի ուսանողների և ոլորտի մասնագետների միջև պարբերական մասնագիտական շփումների ու երկխոսության ձևավորումը:

 

 

Հ. Հովհաննիսյանը փաստեց, որ քիմիան կարևոր ուղղություն է ոչ միայն բուհի, այլև երկրի առաջընթացի համար՝ վստահեցնելով, որ նոր ձեռք բերված համագործակցությունը նպաստելու է էլ ավելի որակյալ կադրերի պատրաստմանը, քանի որ համատեղ գործունեության արդյունքում հնարավոր է լինում բարձրացնել կրթության որակը:

 

Ի դեպ, այսօր կնքված համաձայնագրով «Կենցաղքիմն» իր միջոցների հաշվին ԵՊՀ քիմիայի ֆակուլտետի երկրորդ և երրորդ կուրսերի բարձր առաջադիմություն ունեցող 2-3 ուսանողի սահմանված կարգով տրամադրելու է անվանական կրթաթոշակ, ինչպես նաև հնարավորություն է տալու նրանց շաբաթական մեկ օր աշխատելու գործարանի գիտական լաբորատորիայում:  

 

Այլ նորություններ
ԳԻՏԱՃԱՆԱՉՈՂԱԿԱՆ ԱՅՑ՝ ՆՎԻՐՎԱԾ ՍԼԱՎՈՆԱԿԱՆ ԳՐԻ ԵՎ ՄՇԱԿՈՒՅԹԻ ՕՐՎԱՆ
ԵՊՀ ռուս բանասիրության ֆակուլտետի դասախոսներն ու ուսանողներն այցելեցին Լոռու մարզի Ֆիոլետովո գյուղ՝ ծանոթանալու Հայաստանում մոլոկան համայնքի ներկայացուցիչների կյանքին ու մշակույթին, ինչպես նաև տեղում ուսումնասիրելու նրանց բարբառի արդի լեզվավիճակը։
ԵՊՀ-ՈՒՄ ՏԵՂԻ ՈՒՆԵՑԱՎ ՎԱՉԱԳԱՆ ՄԱՆՈՒԿՅԱՆԻ ԱՆՎԱՆ ԿՐԹԱՄՐՑԱՆԱԿՆԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆԸ
Այսօր ԵՊՀ ժուռնալիստիկայի ֆակուլտետում տեղի ունեցավ Արցախյան 44-օրյա պատերազմի հերոս, գրող-հրապարակախոս Վաչագան Մանուկյանի անվան կրթաթոշակի համար հայտարարված մրցույթի արդյունքների ամփոփումը։ «Ոսկի սերմեր․ հարգանքի և երախտիքի կրթամրցանակներ» ծրագրի շրջանակում կազմակերպված մրցանակաբաշխության ընթացքում ցուցադրվեց հերոսի մասին պատմող տեսանյութ։ Մրցույթի մասնակիցներն ստացան դրամական պարգևներ և այլ մրցանակներ։