20.01.2022 | 
Հասարակություն
ԵՊՀ ԱՍՏՂԱԴԻՏԱՐԱՆԸ ՊԵՏՔ Է ԴԱՌՆԱ ԲՆԱԿԱՆ ԳԻՏՈՒԹՅՈՒՆՆԵՐԻ ԱՐԺԵՎՈՐՄԱՆ ԿԵՆՏՐՈՆ. ԱՆՎՃԱՐ ԴԱՍԸՆԹԱՑ ԱՇԱԿԵՐՏՆԵՐԻ ՀԱՄԱՐ
ԵՊՀ ԱՍՏՂԱԴԻՏԱՐԱՆԸ ՊԵՏՔ Է ԴԱՌՆԱ ԲՆԱԿԱՆ ԳԻՏՈՒԹՅՈՒՆՆԵՐԻ ԱՐԺԵՎՈՐՄԱՆ ԿԵՆՏՐՈՆ. ԱՆՎՃԱՐ ԴԱՍԸՆԹԱՑ ԱՇԱԿԵՐՏՆԵՐԻ ՀԱՄԱՐ
ԵՊՀ ֆիզիկայի ֆակուլտետի, Մինչհամալսարանական կրթության վարչության և ԵՊՀ աստղադիտարանի տնօրեն Աշոտ Մելքոնյանի նախաձեռնությամբ շարունակվում են մասնագիտական կողմնորոշման նպատակով ԵՊՀ աստղադիտարանում անվճար դասընթացներ կազմակերպվել ապագա դիմորդների համար:

Ա. Մելքոնյանը մեզ հետ զրույցում առանձնահատուկ կարևորեց նմանատիպ նախաձեռնությունների դերն ինչպես ապագա ուսանողների մասնագիտական կողմնորոշման, այնպես էլ Հայաստանում «Ֆիզիկա» առարկայի հանրայնացման և տարածման գործում:

 

 

«Վերջին տարիներին զգալիորեն նվազել է հետաքրքրությունը բնական գիտությունների նկատմամբ, ինչն անթույլատրելի է մեր երկրի կայացման, ինքնուրույնության ու զարգացման համատեքստում»,- շեշտեց աստղադիտարանի տնօրենը՝ հավելելով, որ այս նախաձեռնության նպատակներից մեկն էլ Հայաստանում բնական գիտությունների զարգացմանը նպաստելն է:

 

Նրա խոսքով, ավագ դպրոցի աշակերտները շատ ոգևորված են դասընթացի բովանդակությամբ և ակտիվ մասնակցություն են ցուցաբերում:

 

 

«Դեռևս անցած տարի մեկնարկած դասընթացն արդեն իսկ դրական արդյունքներ է արձանագրում, քանի որ դասընթացի մասնակից մի քանի աշակերտ դարձել է մեր ուսանողը»,- փաստեց Ա. Մելքոնյանը:

 

Նա, անդրադառնալով ԵՊՀ աստղադիտարանի կարևորագույն առաքելությանը, ասաց, որ այն պետք է դառնա բնական գիտությունները նորովի արժևորելու, գովազդելու և հանրայնացնելու կենտրոն:

Այլ նորություններ
ԵՊՀ-ՈՒՄ ԱՆՑԿԱՑՎԵՑ «ԿԻՐԱՌԱԿԱՆ ՔԻՄԻԱ. ԷՔՍՊՈ 2022»-Ը
ԵՊՀ բակում Քիմիկի միջազգային օրվան ընդառաջ կայացավ «Կիրառական քիմիա. էքսպո 2022» ցուցահանդեսը, որի շրջանակում Մայր բուհի բակում էին ՀՀ շուրջ 35 արտադրող ընկերության ներկայացուցիչ, ավելի քան 10 000 մասնակից, որոնց թվում՝ 3500 դպրոցական: Ցուցադրության ընթացքում ներկայացվեց քիմիայի կիրառությունը կյանքում, մասնավորապես կենցաղային քիմիայի, խնամքի կոսմետիկ միջոցների, սննդի արդյունաբերության, դեղագործության, հանքահումքային արդյունաբերության և շինանյութի արտադրության, ագրարային, էկոլոգիայի, ինչպես նաև արտադրության որակի վերահսկաման ոլորտներում։
ԵՊՀ-ՈՒՄ ՄԵԿՆԱՐԿԵՑ «ԿԻՐԱՌԱԿԱՆ ՔԻՄԻԱ. ԷՔՍՊՈ 2022»-Ը
Քիմիկի միջազգային օրվան ընդառաջ կազմակերպված էքսպոյի շրջանակում Մայր բուհի բակում էին ՀՀ շուրջ 35 արտադրող ընկերության ներկայացուցիչ և ավելի քան 2500 դպրոցական: