27.05.2021 | 
Հասարակություն
ՊԱՐԳԵՎԱՏՐՎԵԼ ԵՆ ԼԱՎԱԳՈՒՅՆՆԵՐԸ. ԳԵՂԱՄ ԳԵՎՈՐԳՅԱՆԸ ՀԱՎԱՍՏԱԳՐԵՐ Է ՀԱՆՁՆԵԼ ԱՄԵՆԱՄՅԱ ՄՐՑՈՒՅԹԻ ՀԱՂԹՈՂՆԵՐԻՆ
ՊԱՐԳԵՎԱՏՐՎԵԼ ԵՆ ԼԱՎԱԳՈՒՅՆՆԵՐԸ. ԳԵՂԱՄ ԳԵՎՈՐԳՅԱՆԸ ՀԱՎԱՍՏԱԳՐԵՐ Է ՀԱՆՁՆԵԼ ԱՄԵՆԱՄՅԱ ՄՐՑՈՒՅԹԻ ՀԱՂԹՈՂՆԵՐԻՆ
ԵՊՀ ռեկտորի ժ.պ. Գեղամ Գևորգյանն այսօր պարգևատրել է «Երևանի պետական համալսարանում դասավանդման գերազանցության մրցանակ» ամենամյա մրցույթի 2021 թ. հաղթողներին:

Ինչպես արդեն տեղեկացրել ենք, ԵՊՀ-ում երկրորդ տարին անընդմեջ անցկացվել է «Երևանի պետական համալսարանում դասավանդման գերազանցության մրցանակ» ամենամյա մրցույթը, որի նպատակն է խթանել ԵՊՀ-ում դասավանդման մեթոդների կատարելագործումը, նպաստել արդի մեթոդների կիրառմանը, ինչպես նաև լավագույն փորձի տարածմանը:

 

Մրցույթին մասնակցել են հիմնական, համատեղությամբ կամ ժամավճարային հիմունքներով դասավանդողները, որոնք տվյալ ուսումնական տարվա ընթացքում ԵՊՀ-ում դասավանդել են առնվազն 2 մասնագիտական դասընթաց:

 

ԵՊՀ ռեկտորի ժ.պ. Գեղամ Գևորգյանն այսօր իր աշխատասենյակում շնորհավորել և պարգևատրվել է հայտարարված չորս անվանակարգերում հաղթող ճանաչված դասախոսներին:

 

Հանդիսավոր արարողության ժամանակ Գեղամ Գևորգյանը փաստեց, որ մրցույթը կարելի է կայացած համարել, քանի որ թե՛ մասնակիցների քանակը, թե՛ մրցակցության որակը գոհացնող են: Շնորհավորելով հաղթողներին՝ ԵՊՀ ռեկտորի ժ.պ.-ն նշեց՝ նրանք լավագույնն են և պետք է օրինակ ծառայեն. «Գալիք ուսումնական տարում կտեսաձայնագրվեն ձեր դասախոսությունները, որոնք կմնան սերունդներին և կհարստացնեն նրանց գիտելիքները»:

 

Գեղամ Գևորգյանն ուշագրավ համարեց այն փաստը, որ մրցույթի հաղթող է ճանաչվել թե՛ ակադեմիկոս, թե՛ ասիստենտ, ինչը վկայում է, որ այս պարագայում հատկապես կարևոր է այն նվիրումը, որ դասախոսներն ունեն ուսումնական գործընթացի, ուսանողի ու լսարանի նկատմամբ:

 

Հիշեցնենք, որ մրցույթի հաղթողներին տրվելում են հավաստագիր և ֆինանսական պարգևատրում: Բացի դրանից՝ մրցանակակիրները հնարավորություն են ունենալու տեսաձայնագրելու մեկ կրթական մոդուլ:

 

 

 

 

 

 

 

 

 

Քնար Միսակյան

Այլ նորություններ
«ԺԱՄԱՆԱԿԱԿԻՑ ԱՇԽԱՐՀՈՒՄ ՄՐՑԱԿՑՈՒԹՅԱՆ ԴՈՄԻՆԱՆՏ ԱՌԱՐԿԱՆ ԱՅԼԵՎՍ ՆՅՈՒԹԱԿԱՆ ՀԻՄՔԸ ՉԷ». ԼԻԼԻԹ ՇԱՔԱՐՅԱՆ
ԵՊՀ սոցիալական աշխատանքի և սոցիալական տեխնոլոգիաների ամբիոնի դասախոս Լիլիթ Շաքարյանը հրատարակել է իր երկրորդ՝ «Հաղորդակցության մարտահրավերները տեղեկատվական հասարակությունում» գիրքը, որտեղ դիտարկվել են տեղեկատվական հեղափոխության դերն ու նշանակությունը մարդկության և հասարակական ոլորտների զարգացման գործընթացում: Տիկին Շաքարյանի հետ զրուցել ենք գրքի, դրանում արծարծված թեմաների ու առաջիկա ծրագրերի մասին:
«ԱՐՑԱԽԸ ԵՎ ՄԻՋԱԶԳԱՅԻՆ ՔՐԵԱԿԱՆ ԴԱՏԱՐԱՆԸ. ՆՈՐ ՀԵՌԱՆԿԱՐՆԵՐ». ԱՌՑԱՆՑ ՍԵՄԻՆԱՐ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի ՈՒԳԸ-ի նախաձեռնությամբ տեղի է ունեցել «Արցախը և միջազգային քրեական դատարանը. նոր հեռանկարներ» խորագրով առցանց սեմինար, որը վարել է Միջազգային քրեական դատարանի ավագ դատական ծառայող Էդուարդո Տոլեդոն։