01.12.2006 | 
Հասարակություն
ԵՂԻ՛Ր ԼԱՎԱԳՈՒՅՆԸ ՔՈ ՈԼՈՐՏՈՒՄ
ԵՂԻ՛Ր ԼԱՎԱԳՈՒՅՆԸ ՔՈ ՈԼՈՐՏՈՒՄ
Մայր բուհի շրջանավարտներն այսուհետ ավելի հեշտ կկողմնորոշվեն աշխատաշուկայում:

Երեւանի պետական համալսարանի շրջանավարտների եւ կարիերայի կենտրոնի նախաձեռնությամբ դեկտեմբերի 1-ին մեկնարկեց «Համալսարանական կրթությունը եւ կարիերայի կառուցման հեռանկարները» սեմինարների շարքը: Նորաստեղծ կենտրոնի հինմնական նպատակն է աջակցել ԵՊՀ շրջանավարտներին աշխատանք գտնելու հարցում:

Շուկայական տնտեսությանն անցնելուց հետո շրջանավարտներին հետագա աշխատանքով ապահովելու խնդիրը դարձավ լուրջ եւ առանցքային համալսարանի համար: Ի տարբերություն նախկինի, երբ խորհրդային պլանային տնտեսության համակարգում շրջանավարտները միանգամից աշխատանքի էին տեղավորվում, այսօր նրանք հիմնականում ստիպված են իրենց սեփական ջանքերի ու կապերի շնորհիվ աշխատանք գտնել:

Շրջանավարտների եւ կարիերայի կենտրոնի տնօրեն Քրիստինե Վարդանյանը շատ կարեւորեց մեր ժամանակներում աշխատաշուկայի ուսումնասիրության խնդիրը: «Կենտրոնը նախատեսել է կազմակերպել դասընթացներ, սեմինարներ, որոնք կխթանեն աշխատանքային համապատասխան փորձի ձեռքբերմանը, ինչն էլ իր հերթին կնպաստի շրջանավարտների շրջանում գործազրկության խնդրի նվազեցմանը»,- ասաց նա:

Կենտրոնն անցկացնելու է 7 սեմինար: «Կարիերայի փուլերի հաջորդականությունը եւ հաջողված կարիերայի գաղտնիքը» կոչվող սեմինարը հետագայում հնարավորություն կտա ուսանողներին, շրջանավարտներին ընդգրկել կազմակերպվելիք այլ միջոցառումների մեջ, նաեւ` շրջանավարտներին տալ այնպիսի գիտելիքները, որոնք, բազմաթիվ գործատուների հետ հանդիպումից հետո, թույլ կտան նրանց կողմնորոշվել աշխատաշուկայում:

Քիմիայի ֆակուլտետի էկոլոգիայի բաժնի ուսանող Էդգար Բադալյանը հետաքրքրված էր ծրագրով: «Ուզում եմ իմանալ, թե աշխատաշուկայի ուսումնասիրության եւ աշխատանքի ապահովման գործում ինչ նոր միտումներ կան: Ոչ միայն աշխատաշուկայի ձեւավորման, այլեւ ուսանողների տեղեկացվածության հետ կապված լուրջ եւ օգտակար գործ է անում այս կենտրոնը»:

Հրավիրվել էին բանախոսներ «Հայաստան - 2020» ծրագրից եւ Միջազգային հետազոտությունների եւ փոխանակման խորհրդից (IREX): Նրանք կարեւորեցին ուսանողների շրջանում կամավորական աշխատանքը, ամենօրյա ինքնակրթությունը, սեփական կարողությունները հնարավորինս սպառիչ ներկայացնելու հմտությունը եւ, որ ամենակարեւորն է, այն հանգամանքը, երբ յուրաքանչյուր մարդ լավագույն մասնագետ է իր ոլորտում:

Այլ նորություններ
«ՄԵՆՔ ՔԱՅԼՈՒՄ ԵՎ ԳՈՐԾՈՒՄ ԵՆՔ ԺԱՄԱՆԱԿԻ ՀԱՂՈՐԴԱԿՑԱԿԱՆ ՄԱՐՏԱՀՐԱՎԵՐՆԵՐԻՆ ՀԱՄԸՆԹԱՑ». ԱՅՍՕՐ ՀԱՅ ՄԱՄՈՒԼԻ ՕՐՆ Է
Այսօր՝ հոկտեմբերի 16-ին, Հայաստանում նշվում է հայ մամուլի օրը: 1794 թ. հոկտեմբերի 16-ին Հնդկաստանի Մադրաս քաղաքում տպագրվեց առաջին հայկական ամսագիրը՝ «Ազդարարը»: Ամսագրի հիմնադիրն էր Հարություն քահանա Շմավոնյանը։ Այն գործել է մինչև 1796-ի մարտը։ Այդ ընթացքում հրատարակել է 18 համար՝ 965 էջ ընդհանուր ծավալով: Հետագայում Հայաստանի կառավարության 2004 թ. ապրիլի 22-ի որոշմամբ հոկտեմբերի 16-ը դարձել է «Մամուլի աշխատակիցների օր», որը հետագայում վերանվանվել է «Հայ մամուլի օր»։
 ԱՅՍՕՐ ՀԱՅ ՄԱՄՈՒԼԻ ՕՐՆ Է
Այսօր նշվում է Հայ մամուլի օրը:
Ամսաթվի ընտրությունը պատահական չէ, քանի որ 1794 թվականի հենց այս օրը Մադրասում (Հնդկաստան) տպագրվել է առաջին հայկական ամսագիրը՝ «Ազդարարը», իսկ արդեն 2004 թ. ապրիլի 22-ից, Հայաստանի կառավարության որոշմամբ, հոկտեմբերի 16-ը նշվում է որպես Հայ մամուլի օր: