30.11.2021 | 
Հասարակություն
ԵՊՀ-Ն ՄԻԱՎՈՐԵԼ ԷՐ ՏՏ ՈԼՈՐՏՈՎ ՀԵՏԱՔՐՔՐՎՈՂՆԵՐԻՆ. ՀԱՄԱԼՍԱՐԱՆՈՒՄ ԱՆՑԿԱՑՎԵԼ Է «LEARNING TECH» ԳԻՏԱԺՈՂՈՎԸ
ԵՊՀ-Ն ՄԻԱՎՈՐԵԼ ԷՐ ՏՏ ՈԼՈՐՏՈՎ ՀԵՏԱՔՐՔՐՎՈՂՆԵՐԻՆ. ՀԱՄԱԼՍԱՐԱՆՈՒՄ ԱՆՑԿԱՑՎԵԼ Է «LEARNING TECH» ԳԻՏԱԺՈՂՈՎԸ
ԵՊՀ մեծ դահլիճում անցկացվել է «Learning Tech» խորագրով գիտաժողովը՝ միավորելով ՏՏ ոլորտով հետաքրքրվածներին, ներկա ու ապագա մասնագետներին:

«Learning Tech» գիտաժողովը կազմակերպվել էր ԵՊՀ գործընկեր «HelpSystems-Armenia» ծրագրային ապահովման միջազգային ընկերության կողմից, միտված էր ուղղորդելու և ոգեշնչելու ՏՏ ոլորտի սկսնակներին, ուսանողներին ու մասնագետներին, որոնք ցանկանում են իրենց գործունեությունը ծավալել այս ոլորտում:

 

 

Գիտաժողովին բացման խոսքով հանդես է եկել ԵՊՀ ճշգրիտ և բնագիտական մասնագիտությունների գծով պրոռեկտոր Ռաֆայել Բարխուդարյանը՝ վստահեցնելով, որ համալսարանում շարունակվում են իրականացվել մի շարք կրթական և հետազոտական ծրագրեր. «Մասնա­վորապես՝ ԵՊՀ մաթեմատիկայի և մեխանիկայի ֆակուլտետում գործում է «Կիրառական վիճակագրություն և տվյալների գիտություն» մագիստրոսական ծրագիրը, որի նպատակն է նպաստել ՏՏ ոլորտում գիտելիքների ձեռքբերմանն ու անձնային աճին»։

 

 

Գիտաժողովին ՏՏ ոլորտի ավելի քան 20 փորձագետներ հանդես են եկել ելույթներով, պատասխանել հարցերին: Անցկացվել են նաև պանելային քննարկումներ: Մասնակիցները ստացել են իրենց հարցերի պատասխանները, ծանոթացել ՏՏ ոլորտի ընձեռած հնարավորություններին և հաջողության հասնելու ճանապարհներին:

Այլ նորություններ
ԵՊՀ ԱՆԳԼԻԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԻ ԴՈՑԵՆՏ ՍՎԵՏԼԱՆԱ ՎԱՐԴԱՆՅԱՆԸ ՊԱՐԳԵՎԱՏՐՎԵԼ Է ԵՊՀ ՈՍԿԵ ՄԵԴԱԼՈՎ
Համալսարանական երկարատև բեղմնավոր գործունեության, համալսարանական կրթության զարգացման գործում ունեցած մեծ ավանդի և ծննդյան 77-ամյակի կապակցությամբ ԵՊՀ ռեկտոր Հովհաննես Հովհաննիսյանն այսօր ԵՊՀ ոսկե մեդալով է պարգևատրել Եվրոպական լեզուների և հաղորդակցության ֆակուլտետի անգլիական բանասիրության ամբիոնի դոցենտ, բան. գիտ. թեկնածու Սվետլանա Վարդանյանին:
ԳԻՏԱԿԱՆ ԹԵՄԱ. ԵՊՀ ՄԱՆՐԷԱԲԱՆՆԵՐԸ ԲԱՑԱՀԱՅՏԵԼՈՒ ԵՆ ԲԱՐՁՐԱՐԺԵՔ ԿԵՆՍԱՊՈԼԻՄԵՐՆԵՐ ՍԻՆԹԵԶԵԼՈՒ ԷՔՍՏՐԵՄՈՖԻԼ ՄԱՆՐԷՆԵՐԻ ԿԵՆՍԱՏԵԽՆՈԼՈԳԻԱԿԱՆ ՆԵՐՈՒԺԸ
ՀՀ ԿԳՄՍՆ գիտության կոմիտեի կողմից ֆինանսավորման է երաշխավորվել «Հայաստանի էքստրեմալ միջավայրերից մեկուսացված թերմոֆիլ և հալոֆիլ մանրէների էկզոպոլիսախարիդների արտադրությունն ու բնութագրումը» գիտական թեման: Այն ներկայացրել է ԵՊՀ կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնը։