28.11.2022 | 
Ուսանողական, Կրթություն
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ ՆԱԽԱՁԵՌՆԱԾ ԾՐԱԳՐԵՐԸ ՆՊԱՍՏՈՒՄ ԵՆ ՄԱՍՆԱԳԻՏԱԿԱՆ ՆՈՐ ԳԻՏԵԼԻՔՆԵՐԻ ՁԵՌՔԲԵՐՄԱՆԸ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ ՆԱԽԱՁԵՌՆԱԾ ԾՐԱԳՐԵՐԸ ՆՊԱՍՏՈՒՄ ԵՆ ՄԱՍՆԱԳԻՏԱԿԱՆ ՆՈՐ ԳԻՏԵԼԻՔՆԵՐԻ ՁԵՌՔԲԵՐՄԱՆԸ
ԵՊՀ իրավագիտության ֆակուլտետում մեկնարկել է «Learning by Doing» ծրագիրը, որի շրջանակում անցկացվել է «Հայցադիմումների ու միջնորդությունների կազմման հմտություններ» խորագրով դասախոսություն:

Երկու փուլից բաղկացած «Learning by Doing» ծրագրի հիմնական նպատակն ուսանողներին մասնագիտական-գործնական գիտելիք հաղորդելն է և նոր հմտություններ սովորեցնելը՝ համապատասխան վարչական, քաղաքացիական և քրեական մասնագիտացումների, որոնք ուսանողները կօգտագործեն երկրորդ կիսամյակում կազմակերպվող դատախաղերի ժամանակ:

 

 

Ծրագրի առաջին փուլում անցկացվում են քաղաքացիական և վարչական մասնագիտացումներում անցկացվող դասընթացներ: ՀՀ փաստաբանների պալատի անդամ, «Ի Էլ Էլ գործընկերություն» իրավաբանական ընկերության գլխավոր տնօրեն, բաժնետեր Գոհար Գևորգյանն ուսանողների՝ նախօրոք  կազմած  հայցադիմումների քննարկման միջոցով ներկայացրել է հայցադիմում կազմելու պահանջները, հայցադիմումը վարույթ ընդունելու համար նախատեսված պայմանները, պատասխանողի և հայցվորի հիմնական իրավունքները, ինչպես նաև քննարկվել են բազմաթիվ օրինակներ պրակտիկայից:

 

 

Հատկանշական է, որ ծրագրի երկրորդ փուլում համապատասխան մասնագիտացումներով ուսանողների համար կկազմակերպվեն ուսումնական դատախաղեր, որոնց ընթացքում մասնակիցները նախօրոք ձևավորված թիմերի կազմում կիրացնեն իրենց ստացած պրակտիկ գիտելիքներն ու հմտությունները:

 

Նշենք, որ ծրագրում ընդգրկված մասնակիցները երկրորդ, երրորդ, չորրորդ կուրսերի և մագիստրատուրայի ուսանողներ են: Հատկանշական է, որ դասընթացների 80 տոկոսին մասնակցած և հաջողությամբ հաջորդ փուլ անցած ուսանողները միայն հնարավորություն կունենան մասնակցելու ուսումնական հաջորդ կիսամյակում մեկնարկող դատախաղերին:

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։