25.07.2022 | 
Կրթություն
«ՀԱՄԱԼՍԱՐԱՆՈՒՄ ԵՍ ԴԱՐՁԵԼ ԵՄ «ՍՄԱՐԹ» ՄՏԱԾՈՂՈՒԹՅԱՄԲ ՄԱՐԴ, ՈՎ ԲՈԼՈՐ ՊԱՐԱԳԱՆԵՐՈՒՄ ԿԱՐՈՂԱՆՈՒՄ Է ՉԱՓԵԼ ԻՐ ԳԻՏԵԼԻՔՆԵՐԸ». ՄԱՐԻԱՄ ՄԻՐԶՈՅԱՆ
«ՀԱՄԱԼՍԱՐԱՆՈՒՄ ԵՍ ԴԱՐՁԵԼ ԵՄ «ՍՄԱՐԹ» ՄՏԱԾՈՂՈՒԹՅԱՄԲ ՄԱՐԴ, ՈՎ ԲՈԼՈՐ ՊԱՐԱԳԱՆԵՐՈՒՄ ԿԱՐՈՂԱՆՈՒՄ Է ՉԱՓԵԼ ԻՐ ԳԻՏԵԼԻՔՆԵՐԸ». ՄԱՐԻԱՄ ՄԻՐԶՈՅԱՆ
ԵՊՀ սոցիոլոգիայի ֆակուլտետի «Հասարակայնության հետ կապեր» մագիստրոսական ծրագրի այս տարվա շրջանավարտներից է Մարիամ Միրզոյանը, ում հետ զրուցել ենք համալսարանական կյանքի, ծրագրի ընձեռած հնարավորությունների և աշխատաշուկայում հասարակայնության հետ կապերի (PR) մասնագետների մեծ պահանջարկի մասին:

Պատմում է Մարիամ Միրզոյանը։

 

Մասնագիտության ընտրության հարցում դժվար եմ կողմնորոշվել։

 

Նախքան սոցիոլոգիայի ֆակուլտետ ընդունվելս հետաքրքրված էի տարբեր ոլորտներով՝ տնտեսագիտություն, հոգեբանություն և այլն: Ժամանակի ընթացքում հասկացա, որ ցանկանում եմ դառնալ PR մասնագետ: Ընտրեցի ԵՊՀ սոցիոլոգիայի ֆակուլտետը, քանի որ տեղեկացել էի՝ երրորդ կուրսից հնարավորություն կունենամ ընտրելու PR մասնագիտացումը։

 

 

Ավելիին հասնելու մտածողությունն իմ մեջ ձևավորվել է ԵՊՀ-ի պատերի ներսում։

 

Ֆակուլտետը հնարավորություն է տալիս ստանալու որակյալ, ժամանակակից ու միջազգային ստանդարտներին համապատասխան կրթություն: Համալսարանում ես դարձել եմ «սմարթ» մտածողությամբ մարդ, ով բոլոր պարագաներում կարողանում է չափել իր գիտելիքները՝ հասկանալով, թե դրանք ինչպես ու ինչ նպատակներով կարելի է կիրառել:

 

Մագիստրոսական ծրագրում ստացած կրթության շնորհիվ կարողանացա աշխատանքում ինձ լավագույնս դրսևորել։

 

Մագիստրոսական ծրագրում մասնագիտության վերաբերյալ ստացել եմ առավել համակողմանի ու խոր գիտելիքներ: Հատկանշական է այն, որ ծրագրի շրջանակում դասախոսում էին այնպիսի մարդիկ, որոնք ոլորտի լավագույններից են և ունեն մեծ ճանաչում: Աշխատաշուկա մուտք եմ գործել բակալավրիատն ավարտելուց հետո: Արդեն երկու տարի է՝ աշխատում եմ մասնագիտությամբ: Վստահաբար կարող եմ ասել, որ ֆակուլտետում ստացած համակողմանի գիտելիքները թույլ են տալիս աշխատանքում ավելի վստահ զգալ:

 

 

PR մասնագետ կարող են դառնալ ոչ միայն սոցիոլոգիայի ֆակուլտետի ուսանողները:

 

Անգամ այն ուսանողները, որոնք անծանոթ են տվյալ ոլորտին, մագիստրսական ծրագրում ստացած գիտելիքների շնորհիվ կարող են դառնալ ոլորտի լավագույն մասնագետներից: Ծրագրին դիմած բոլոր ուսանողներին հնարավորություն է տրվում ստանալու հիմնարար գիտելիքներ: 

 

Այս տարվանից դասախոսելու եմ արդեն իսկ հարազատ դարձած ֆակուլտետում։

 

Ինձ համար գերագույն հաճույք էր ԵՊՀ ուսանող լինելը: Իսկ այս ուսումնական տարվան ամենաշատն եմ սպասում․ մեծ պատիվ է լինել ԵՊՀ դասախոս և ստացածս գիտելիքները փոխանցել ուսանողներին:

 

Մարինե Մկրտչյան

Այլ նորություններ
ՍՈՖԻԱՅԻ ՀԱՄԱԼՍԱՐԱՆԻ ՊՐՈՖԵՍՈՐԸ ԵՊՀ-ՈՒՄ ՆԵՐԿԱՅԱՑՐԵՑ ԱՐԴԻԱԿԱՆ ԹԵՄԱՅՈՎ ԴԱՍԱԽՈՍՈՒԹՅՈՒՆ
ԵՊՀ կենսաբանության ֆակուլտետում օգոստոսի 30-ին մեկնարկած մոդուլային առարկայի շրջանակում Սուրբ Կլիմենտ Օհրիդսկու անվան Սոֆիայի համալսարանի գենետիկայի ամբիոնի վարիչ, պրոֆեսոր Ս․ Գ․ Դիմովը կարդաց դասախոսություն՝ «Սննդի մանրէաբանություն. սննդի որակի վերահսկողության նորագույն մեթոդներ» թեմայով:
ԵՊՀ-ՈՒՄ ԱՄՓՈՓՎԵՑԻՆ «ՄԱՆՐԷՆԵՐԻ ՀԱՏԿՈՒԹՅՈՒՆՆԵՐ. ՆՈՐԱՐԱՐ ԳԱՂԱՓԱՐՆԵՐԻ ՄՐՑՈՒՅԹԻ» ԱՐԴՅՈՒՆՔՆԵՐԸ
Հաղթող ճանաչված թիմերն ստացան դրամական պարգևներ, իսկ մյուս թիմերին ժյուրին առաջարկեց շարունակել զարգացնել ներկայացված գաղափարները, քանի որ դրանք չափազանց արդիական են և կարող են նպաստել կենսաբանության, հատկապես մանրէաբանության ոլորտի առաջընթացին։