16.03.2022 | 
Ուսանողական
«ՏՆՏԵՍԱԳԻՏԱԿԱՆ ՀԱՅ ԱՍՊԵՏ» ԳԻՏԱԽԱՂՆ ԱՄՓՈՓԵՑ ԱՐԴՅՈՒՆՔՆԵՐԸ
«ՏՆՏԵՍԱԳԻՏԱԿԱՆ ՀԱՅ ԱՍՊԵՏ» ԳԻՏԱԽԱՂՆ ԱՄՓՈՓԵՑ ԱՐԴՅՈՒՆՔՆԵՐԸ
ԵՊՀ տնտեսագիտության և կառավարման ֆակուլտետի ՈՒԳԸ տեղեկատվական հանձնաժողովի նախաձեռնությամբ մարտի 14-16-ը կազմակերպվել էր «Տնտեսագիտական հայ ասպետ» խորագրով գիտախաղ:

Ֆակուլտետի 1-ին, 2-րդ և 3-րդ կուրսի ուսանողների համար նախատեսված գիտախաղի նպատակը ոչ միայն մասնագիտական գիտելիքների ամրապնդումն էր, այլև պրոֆեսորադասախոսական կազմի հետ անմիջական շփումն ու միջանձնային կապի ստեղծումը:

 

Յուրաքանչյուր օր գիտախաղին մասնակցել են ֆակուլտետի հոսքերից (Տնտեսագիտություն, Կառավարում, Ֆինանսներ) ձևավորված 3-ական՝ 5 հոգանոց խմբեր: Իսկ ուսանողների պատասխանները գնահատել է պրոֆեսորադասախոսական կազմի ներկայացուցիչներից կազմված ժյուրին:

 

 

«Գիտախաղն արդեն կուտակած գիտելիքներն ամրապնդելու, պրոֆեսորադասախոսական կազմի հետ անմիջական կապ ստեղծելու և ունեցած գիտելիքն ի ցույց դնելով՝ հաղթանակ տանելու լավագույն տարբերակն է: Ուսանողներին նախապես բաժանվել էր հարցաշարը, ինչը վերջիններիս հավելյալ ուսումնասիրություններ անելու հնարավորություն էր տվել »,- ասում է ֆակուլտետի Ուսանողական գիտական ընկերության տեղեկատվական հանձնաժողովի պատասխանատու Նաիրուհի Մխիթարյանը:

 

 

Մարտի 14-ին առավելագույն միավորներով հաղթել է «Ֆինանսներ» թիմը (1-ին կուրս), մարտի 15-ին 101 միավորով՝ տնտեսագիտության հոսքը ներկայացնող թիմը, իսկ մրցույթի վերջին փուլի լավագույնը կրկին «Ֆինանսներ» (3-րդ կուրս) թիմն էր:

 

Բոլոր հաղթողները, ինչպես նաև ժյուրիի ընտրած լավագույն խաղացողները պատվոգիր ստացան:

 

 

«Ուսանողական գիտական ընկերությունը կարևոր հարթակ է յուրաքանչյուր ուսանողի համար: Հենց այս կառույցում արված առաջին քայլերից է սկսվում ձեր աշխատանքային ու գիտական ուղին: Ուստի, սիրելի՛ ուսանողներ, եղեք ակտիվ և հնարավորին շատ մասնակցեք նմանաբնույթ միջոցառումներին»,- ասաց Տնտեսագիտության և կառավարման ֆակուլտետի դեկան Հայկ Սարգսյանը:

 

 

Նաիրուհի Մխիթարյանը նշեց, որ և՛ ուսանողները, և՛ ժյուրիի անձնակազմը մեծ ոգևորությամբ են մասնակցել խաղերին. «Շնորհակալ ենք մեր ֆակուլտետի ղեկավարությանը, որ աջակցել և ակտիվորեն մասնակցել են գիտախաղի կազմակերպման աշխատանքին»:

 

Վարդուհի Զաքարյան

Այլ նորություններ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԻՐԱՎԱԲԱՆԱԿԱՆ ԿԼԻՆԻԿԱՅԻ ՈՒՍԱՆՈՂՆԵՐՆ ՍՏԱՑԱՆ ՎԿԱՅԱԿԱՆՆԵՐ
ԵՊՀ իրավագիտության ֆակուլտետի դատական նիստերի դահլիճում տեղի ունեցավ ֆակուլտետի իրավաբանական կլինիկայում որպես կամավոր ընդգրկված 28 ուսանողների վկայականների հանձնման արարողությունը:
«ՄԵՐ ԴԱՍԱԽՈՍՆԵՐԸ ՑՈՒՅՑ ԵՆ ՏԱԼԻՍ ԴԵՊԻ ՀԱՋՈՂՈՒԹՅՈՒՆ ՏԱՆՈՂ ՃԱՆԱՊԱՐՀԸ». ԵՊՀ ՇՐՋԱՆԱՎԱՐՏ ՋՈԶԵՖ ՄՈՄՋՅԱՆ
ԵՊՀ այս տարվա շրջանավարտներից է եվրոպական լեզուների և հաղորդակցության ֆակուլտետի ուսանող Ջոզեֆ Մոմջյանը, ում հետ զրուցել ենք համալսարանում ստացած կրթության, ֆակուլտետի ընձեռած հնարավորությունների, ապագայի պլանների և այլ հարցերի շուրջ։