02.07.2021 | 
Հասարակություն
«ՊԱՏԱՍԽԱՆԱՏՎՈՒԹՅԱՆ ԵՂԱՆԱԿՆԵՐԸ ՄԻՋԱԶԳԱՅԻՆ ՔՐԵԱԿԱՆ ԴԱՏԱՐԱՆՈՒՄ». ԴԱՍԱԽՈՍՈՒԹՅՈՒՆ ԵՊՀ-ՈՒՄ
«ՊԱՏԱՍԽԱՆԱՏՎՈՒԹՅԱՆ ԵՂԱՆԱԿՆԵՐԸ ՄԻՋԱԶԳԱՅԻՆ ՔՐԵԱԿԱՆ ԴԱՏԱՐԱՆՈՒՄ». ԴԱՍԱԽՈՍՈՒԹՅՈՒՆ ԵՊՀ-ՈՒՄ
ԵՊՀ իրավագիտության ֆակուլտետի ՈՒԳԸ-ի նախաձեռնությամբ առցանց դասախոսությամբ է հանդես եկել Միջազգային քրեական դատարանի դատախազ Ալեքսիս Դեմիրճյանը:

Մեզ հետ զրույցում Իրավագիտության ֆակուլտետի ՈՒԳԸ նախագահ Գևորգ Բարսեղյանն ասաց, որ սեմինարը կազմակերպվել էր ֆակուլտետի շրջանավարտ, Ֆրիդրիխ-Ալեքսանդր Էռլանգեն-Նյուրնբերգի համալսարանի միջազգային քրեական իրավունքի ինստիտուտի պրոֆեսոր Գուրգեն Պետրոսյանի աջակցությամբ:

 

«Սեմինարի անցկացման օրը նույնպես պատահական ընտրված չէր. այդ օրը նշվում է որպես Միջազգային քրեական դատարանի հիմնադրման պաշտոնական օր»,- ասաց Գևորգ Բարսեղյանը:

 

Նրա խոսքով, Ալեքսիս Դեմիրճյանն ուսուցողական, տեղեկատվական և շատ արդյունավետ դասախոսություն կարդաց ՄՔԴ-ում պատասխանատվության եղանակների վերաբերյալ:

 

 

«Բանախոսության ընթացքում պարոն Դեմիրճյանն անդրադարձավ այնպիսի թեմաների, ինչպիսիք են դատավճիռների կառուցվածքը, պատասխանատվության տեսակի որոշման կարևորությունն արդար դատավճիռ կայացնելու համար և, ի վերջո, մեզ մանրամասն տեղեկություններ տվեց պատասխանատվության յուրաքանչյուր եղանակի մասին՝ մեջբերելով ՄՔԴ-ի մի քանի գործեր»,- ասաց ֆակուլտետի ՈՒԳԸ նախագահը։

 

Նա նաև փաստեց, որ դասախոսության ավարտին ուսանողները հնարավորություն ստացան տալու իրենց հարցերը և ստանալու սպառիչ պատասխաններ:

 

«Մեր կողմից կազմակերպվող սեմինարների շարքը շարունակական է լինելու: Որպես բանախոսներ կհրավիրվեն մեր հայրենակիցները, որոնք մեծ ներդրում են կատարել միջազգային քրեական իրավունքի ոլորտում»,- փաստեց Գևորգ Բարսեղյանը:

 

Քնար Միսակյան

Այլ նորություններ
ՀԱՅԿԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՈՉՆՉԱՑՄԱՆ ՎՏԱՆԳՆ ԱՐՑԱԽՈՒՄ․ ԳԻՏՆԱԿԱՆՆԵՐԸ ՀԱՆԴԵՍ ԵՆ ԵԿԵԼ ԿՈՉՈՎ
2022 թ․ հուլիսի 15-19-ը ԵՊՀ-ում և Հայ Առաքելական եկեղեցու Վայոց ձորի թեմում տեղի է ունեցել «Արցախի մշակութային ժառանգությունը» խորագրով միջազգային գիտաժողով, որի ընթացքում ավելի քան երեսուն օտարերկրյա և հայ գիտնականներ ու փորձագետներ քննարկել են Լեռնային Ղարաբաղի տարածաշրջանում մշակութային արժեքների ստեղծման, պատմական զարգացման և ներկայիս վտանգվածության խնդիրները։
ԿԵՆՍԱԲԱՆՈՒԹՅԱՆ ՄԻՋԱԶԳԱՅԻՆ ՕԼԻՄՊԻԱԴԱՅԻ ՄԱՍՆԱԿԻՑՆԵՐԸ ՇԱՐՈՒՆԱԿՈՒՄ ԵՆ ԲԱՑԱՀԱՅՏԵԼ ՀԱՅԱՍՏԱՆԸ
Այսօր հայոց պատմամշակութային ժառանգությանը ծանոթանալու նպատակով «Կենսաբանության 33-րդ միջազգային օլիմպիադայի» (ԿՄՕ) մասնակիցները շրջայց են կատարել «Էրեբունի» պատմահնագիտական արգելոց–թանգարանում, այնուհետև ճանաչողական էքսկուրսիա իրականացրել Մեսրոպ Մաշտոցի անվան Մատենադարանում: