05.12.2022 | 
Կրթություն
ԵՊՀ ՊԱՏՎԻՐԱԿՈՒԹՅՈՒՆԸ ՄԱՍՆԱԿՑԵԼ Է «MINERVA» ԾՐԱԳՐԻ ԱՄՓՈՓԻՉ ԿՈՆՖԵՐԱՆՍԻՆ
ԵՊՀ ՊԱՏՎԻՐԱԿՈՒԹՅՈՒՆԸ ՄԱՍՆԱԿՑԵԼ Է «MINERVA» ԾՐԱԳՐԻ ԱՄՓՈՓԻՉ ԿՈՆՖԵՐԱՆՍԻՆ
Մոլդովայի մայրաքաղաք Քիշնևում տեղի է ունեցել «MINERVA» (Strenghening Research Management and Open Science Capacities of HEIs in Moldova and Armenia) ծրագրի ամփոփիչ կոնֆերանսը, որին մասնակցում էր ԵՊՀ պատվիրակությունը:

Կոնֆերանսի նպատակն էր հստակեցնել ծրագրի շրջանակում սահմանված գործողությունների վերջնարդյունքներն ու քննարկել ընթացիկ անելիքների արդյունավետությունը:

 

Աշխատաժողովում Երևանի պետական համալսարանը ներկայացնում էին գիտական հարցերի գծով պրոռեկտոր Ռաֆայել Բարխուդարյանը, տեղեկատվական տեխնոլոգիաների վարչության պետ Պարույր Վարդերեսյանը  և գիտական քաղաքականության վարչության պետ Երանուհի Մանուկյանը։

 

Միջոցառմանը բացման խոսքով հանդես են եկել Մոլդովայի տնտեսագիտության ակադեմիայի ռեկտոր Ալեքսանդրո Ստրատանը և պրոռեկտոր Օլեսյա Սիրբուն: Նրանք հույս են հայտնել, որ աշխատաժողովը կանցկացվի ստեղծարար միջավայրում, և բազմաթիվ հարցեր կստանան պատասխաններ։

 

Աշխատաժողովի առաջին օրվա ավարտին հարցուպատասխանի ձևաչափով քննարկվել են ծրագրի գործողությունների հնարավոր թերությունները և նախատեսված անելիքների իրագործման ներկայիս իրադրությունը։

 

Հիշեցնենք, որ ԵՊՀ պատվիրակությունը վերջերս մասնակցել է նաև «MINERVA» ծրագրի շրջանակում Բելգիայում կազմակերպված աշխատաժողովին:

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։