17.11.2022 | 
Կրթություն, Գիտություն
ԵՊՀ ՊԱՏՎԻՐԱԿՈՒԹՅՈՒՆԸ ՄԱՍՆԱԿՑՈՒՄ Է «ARMDOCT» ԾՐԱԳՐԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ԱՇԽԱՏԱԺՈՂՈՎԻՆ
ԵՊՀ ՊԱՏՎԻՐԱԿՈՒԹՅՈՒՆԸ ՄԱՍՆԱԿՑՈՒՄ Է «ARMDOCT» ԾՐԱԳՐԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ԱՇԽԱՏԱԺՈՂՈՎԻՆ
«ARMDOCT» ծրագրի շրջանակում Իտալիայի Տերամո քաղաքում մեկնարկել է աշխատաժողով, որտեղ ծրագրի հայաստանյան գործընկերները, այդ թվում բուհերի պատվիրակությունները, ներկայացրել են իրենց համալսարաններում ծրագրի շուրջ տարվող աշխատանքները և ներկայացրել են, թե այս պահին որ փուլում են դոկտորական կրթության բարեփոխումները, և առհասարակ ինչ աշխատանքներ են տարվում ծրագրի շրջանակում:

Եռօրյա աշխատաժողովի նպատակն է ծրագրում ներգրավված կրթական և հետազոտական համայնքի օգնությամբ ծանոթանալ ծրագրի ներկայիս ընթացքին և բացահայտել առկա խոչընդոտները՝ դոկտորական կրթության բարելավման նոր ճանապարհը ուղենշելու համար:

 

Աշխատաժողովում Երևանի պետական համալսարանը ներկայացնում են ԵՊՀ գիտական հարցերի գծով պրոռեկտոր Ռաֆայել Բարխուդարյանը, զարգացման և նորարարությունների գծով պրոռեկտոր Միքայել Հովհաննիսյանը, գիտական քաղաքականության վարչության պետ Երանուհի Մանուկյանը, դոկտորական կրթության կենտրոնի տնօրեն Արմեն Սարգսյանը և «YSU-Krisp AI Lab» լաբորատորիայի ղեկավար Աշոտ Հարությունյանը:

 

Աշխատաժողովի առաջին օրը ողջույնի խոսքով հանդես են եկել Տերամոյի համալսարանի ներկայացուցիչները:

 

Դոկտորական կրթության բարեփոխումների ներկայիս վիճակի և հետագա գործողությունների մասին զեկույց է ներկայացրել ԵՊՀ զարգացման և նորարարությունների գծով պրոռեկտոր Միքայել Հովհաննիսյանը։

 

Նշենք, որ «ARMDOCT» նախագիծը Հայաստանում ֆրանսիական համալսարանի նախաձեռնությունն է, որի հիմքում ընկած են «Էրազմուս+» «Եվրոպական ինտեգրացիային համահունչ բարձրագույն կրթության 3-րդ աստիճանի որակի ապահովման համակարգի ներդրում՝ խթանելու հետազոտությունների միջազգայնացումը» (C3QA) նախագծի փորձը և հիմնական արդյունքները։

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։