13.06.2022 | 
Ուսանողական, Կրթություն, Գիտություն
«ՀԻՄՆԱՅԻՆ Է ԵՊՀ-ՈՒՄ ՍՏԱՑԱԾ ԿՐԹՈՒԹՅՈՒՆՍ, ՈՐԸ ՀԱՋՈՂՈՒԹՅԱՄԲ ԿԻՐԱՌՈՒՄ ԵՄ ԱՇԽԱՏԱՆՔՈՒՄ». ՎԱՀԵ ԶԱՐԳԱՐՅԱՆ
«ՀԻՄՆԱՅԻՆ Է ԵՊՀ-ՈՒՄ ՍՏԱՑԱԾ ԿՐԹՈՒԹՅՈՒՆՍ, ՈՐԸ ՀԱՋՈՂՈՒԹՅԱՄԲ ԿԻՐԱՌՈՒՄ ԵՄ ԱՇԽԱՏԱՆՔՈՒՄ». ՎԱՀԵ ԶԱՐԳԱՐՅԱՆ
Կայացավ ԵՊՀ միջազգային հարաբերությունների ֆակուլտետի «Միջազգային հարաբերություններ և դիվանագիտություն» մագիստրոսական ծրագրի շրջանավարտների դիպլոմների հանձնման արարողությունը: Շրջանավարտներից Վահե Զարգարյանի հետ զրուցել ենք ԵՊՀ-ում ստացած կրթության, ընձեռած հնարավորությունների և գրանցած հաջողություններում Մայր բուհի դերի մասին:

 

ԵՊՀ-ն ընձեռում է գիտելիքներն արտերկրում զարգացնելու հնարավորություն:

 

2014 թվականից սկսել եմ ուսումնառությունս ԵՊՀ եվրոպական լեզուների և հաղորդակցության ֆակուլտետից: Շուրջ երկու տարի կրթություն եմ ստացել արտասահմանում, ապա շարունակել ԵՊՀ միջազգային հարաբերությունների ֆակուլտետում:

 

ԵՊՀ-ի տված կրթությունը լավագույնս կիրառվում է աշխատանքում:

 

Ճիշտ է, իմ կյանքում մեծ նշանակություն է ունեցել նաև Եվրոպայում ստացած կրթությունս, սակայն հիմնային է ԵՊՀ-ում ստացածս, որը հաջողությամբ կիրառում եմ աշխատանքում:

 

 

ԵՊՀ-ի պատերն արդեն իսկ կրթում են քեզ:

 

Այն միտքը, որ կրթություն ես ստանում մի կառույցում, որի պատերի ներսում կրթվել են ականավոր գործիչներ ու գիտնականներ, մեծ ուժ է տալիս սովորելու, ավելի լավը դառնալու և գիտության մեջ սեփական ավանդն ունենալու հարցում: Այսօր էլ մեր բախտը բերել է, որովհետև ֆակուլտետի դասախոսները ոլորտի լավագույն մասնագետներից են, որոնց փորձառությունն ու անցած ճանապարհը նույնպես ուսուցողական են:

 

Դիպլոմի գույնը ոչ թե գիտելիքի, այլ գնահատականի հարց է:

 

Ճիշտ է, գնահատականը կարող է խոսել գիտելիքի մասին, բայց ոչ գիտելիքի բացակայության մասին: Մեծ պատասխանատվություն ու պատիվ է Մայր բուհի ամենամեծ ֆակուլտետներից մեկը՝ միջազգային հարաբերությունների ֆակուլտետը, գերազանցությամբ ավարտելը:

 

Նպատակ ունեմ ուսումս ասպիրանտուրայում շարունակելու:

 

Իմ հետաքրքրության շրջանակն ինտեգրացիոն կառույցներն ու գործընթացներն են Եվրոպայում, մասնավորապես գերմանախոս երկրներում: Նպատակ ունեմ այցելելու այդ երկրներ և տեղում իրականացնելու իմ հետազոտությունը:

 

 Մարինե Մկրտչյան

Այլ նորություններ
ԵՊՀ շարունակական կրթության կենտրոնը Ֆրիդրիխ Նաումանի հիմնադրամի և իրավագիտության ֆակուլտետի հետ համատեղ կազմակերպեց հանդիպում ի.գ.դ., պրոֆեսոր Վահե Ստեփանյանի հետ՝ նպատակ ունենալով ուսանողներին ծանոթացնելու Ֆրիդրիխ Նաումանի «Հանուն ազատության» հիմնադրամի հրատարակած հոդվածների ժողովածուի կարևոր թեմաներից մեկին:
ԳՐՔԻ ՇՆՈՐՀԱՆԵՍ ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ
ԵՊՀ հայ բանասիրության ֆակուլտետում տեղի ունեցավ հայ արձակագիր Ստեփան Ալաջաջյանի «Եղեգները չխոնարհվեցին» գրքի շնորհանդեսը՝ ևս մեկ անգամ արժևորվելու և կարևորվելու ստեղծագործության ուրույն դերը գրականության մեջ: