24.11.2021 | 
Հասարակություն
ՏԵՂԵԿԱՏՎԱԿԱՆ ՀԱՆԴԻՊՈՒՄ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ՀԱՄԱՐ
ՏԵՂԵԿԱՏՎԱԿԱՆ ՀԱՆԴԻՊՈՒՄ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ՀԱՄԱՐ
ԵՊՀ շրջանավարտների և կարիերայի կենտրոնը Տնտեսագիտության և կառավարման ֆակուլտետում կազմակերպել էր տեղեկատվական հանդիպում ուսանողների հետ։

Հանդիպման ընթացքում ուսանողներին ողջունեց Շրջանավարտների և կարիերայի կենտրոնի տնօրեն Լիլիթ Հակոբյանը, որը ներկայացրեց կենտրոնի կառուցվածքն ու գործունեությունը, անդրադարձավ իրենց կողմից կազմակերպած վարպետության դասընթացներին:

 

 

«Հարկ է նշել, որ կենտրոնը բավականին ակտիվ համագործակցում է ՀՀ-ի աշխատաշուկայի ամենահայտնի  ընկերությունների հետ, պարբերաբար կազմակերպում է փոխայցելություններ»,- նշեց Լիլիթ Հակոբյանը:

Նա նաև փաստեց, որ կենտրոնի գործունեության շնորհիվ ԵՊՀ ուսանողները բացառիկ հնարավորություն են ստանում մասնակցելու տարաբնույթ դասընթացների, ձեռք բերելու աշխատաշուկայում նորանոր կապեր և փորձառություն:

 


Լիլիթ Հակոբյանն առաջարկեց ուսանողներին գրանցվել կենտրոնի տվյալների բազայում անհրաժեշտ տեղեկատվությունն առաջինը ստանալու նպատակով, ինչպես նաև խոսեց առկա թափուր հաստիքների, մասնագիտական պրակտիկաների հնարավորությունների, առաջիկայում նախատեսվող դասընթացների մասին. «Կենտրոնի կարևոր նպատակներից է ուսանողներին ծանոթացնել աշխատաշուկայի պահանջներին և մարտահրավերներին:

ԵՊՀ տնտեսագիտության և կառավարման ֆակուլտետի դեկան Հայկ Սարգսյանը նույնպես  բարձր գնահատեց կենտրոնի գործունեությունը՝ շեշտելով, որ կարևոր առաքելություն է գործատու-բուհ կապն ամուր պահելը:

 

 

Հանդիպմանը մասնակցում էին նաև Շրջանավարտների և կարիերայի կենտրոնի գործընկեր կազմակերպությունների («TAccount» ՍՊԸ և «ԻՆԳՈ ԱՐՄԵՆԻԱ» ՓԲԸ) ներկայացուցիչները, որոնք, ներկայացնելով իրենց ընկերությունների պատմությունն ու գործունեությունը, հանդես եկան իրենց կազմակերպություններում առկա թափուր հաստիքների և պրակտիկայի մասին հայտարարություններով:

 



«TAccount» ՍՊԸ-ի ներկայացուցիչ Միլենա Հովակիմյանն էլ առանձնահատուկ շեշտեց, որ այս պահին իրենց ընկերությունում առկա է հաշվապահի մոտ 20 թափուր հաստիք, ԵՊՀ ուսանողները հնարավորություն ունեն մասնակցելու վարձատրվող պրակտիկաների, ինչպես նաև հետագայում աշխատանքի անցնելու:

 



 Ուսանողներն իրենց դիմում-հայտերը կարող են ուղարկել հետևյալ էլեկտրոնային հասցեին՝ look@taccount.am՝ նշելով ԵՊՀ ուսանող:

 

Այլ նորություններ
ԵՊՀ ՊԱՏՎԻՐԱԿՈՒԹՅՈՒՆՆ ԱՅՑԵԼԵՑ ԱՄԷ ԴԵՍՊԱՆՈՒԹՅՈՒՆ
ԵՊՀ զարգացման ու նորարությունների գծով պրոռեկտոր Միքայել Հովհաննիսյանը, արաբագիտության ամբիոնի վարիչ Հայկ Քոչարյանը, նույն ամբիոնի դասախոս Վահե Հակոբյանը պատվիրակվել էին Երևանում ԱՄԷ դեսպանություն` իրենց ցավակցությունը հայտնելու լուսահոգի շեյխ Խալիֆա իբն Զայեդ ալ-Նահյանի մահվան կապակցությամբ։
ԵՊՀ-ՈՒՄ ՆՇՎԵՑ ԲՈՒՀԻ ՀԻՄՆԱԴՐՄԱՆ 103-ԱՄՅԱԿԸ
Այսօր ԵՊՀ գիտական խորհրդի նիստերի դահլիճում տեղի ունեցավ միջոցառում՝ նվիրված Մայր բուհի հիմնադրման 103-ամյակին: Տոնի առթիվ դրամական պարգևներով և պատվոգրերով պարգևատրվեցին համալսարանի վարչական աշխատակիցներ, դասախոսներ, ուսանողներ, ինչպես նաև «ԵՊՀ օլիմպիադա-2022»-ի առաջին կարգի մրցանակակիրները: