24.11.2022 | 
Կրթություն, Գիտություն
ԵՊՀ-ՈՒՄ ՇԱՐՈՒՆԱԿՎՈՒՄ ԵՆ ԳՈՐԾԱՏՈՒ ԿԱԶՄԱԿԵՐՊՈՒԹՅՈՒՆՆԵՐԻ ՀԵՏ ՏԵՂԵԿԱՏՎԱԿԱՆ ՀԱՆԴԻՊՈՒՄՆԵՐԸ
ԵՊՀ-ՈՒՄ ՇԱՐՈՒՆԱԿՎՈՒՄ ԵՆ ԳՈՐԾԱՏՈՒ ԿԱԶՄԱԿԵՐՊՈՒԹՅՈՒՆՆԵՐԻ ՀԵՏ ՏԵՂԵԿԱՏՎԱԿԱՆ ՀԱՆԴԻՊՈՒՄՆԵՐԸ
ԵՊՀ շրջանավարտների և կարիերայի կենտրոնի նախաձեռնությամբ տեղի ունեցավ տեղեկատվական հանդիպում՝ «Աշխատանքի հնարավորություն «ԲՐԵՎԻՍ» ընկերությունում» խորագրով։

Հանդիպման բանախոսներն էին «ԲՐԵՎԻՍ» ընկերության մարդկային ռեսուրսների կառավարման և կազմակերպության զարգացման ավագ մասնագետ Անի Ոսկանյանը և տվյալների հավաքման մասնագետ Մարգարիտ Կարաբեկյանը։ Նրանք ներկայացրին ընկերության ստեղծման պատմությունը, ուսանողներին առաջարկեցին աշխատել իրենց ընկերությունում որպես հարցազրուցավար՝ գործակցելով ոլորտի հմուտ մասնագետների հետ:

 

 

 

Խոսելով ԵՊՀ շրջանավարտների և կարիերայի կենտրոնի հետ բազմամյա համագործակցության կարևորությունից՝ Անի Ոսկանյանը նշեց. «Այս համագործակցությունը կարևորվում է նրանով, որ ԵՊՀ-ն, լինելով ՀՀ լավագույն բուհերից մեկը, տալիս է ոլորտի լավագույն մասնագետներ: Որպես գործատու փորձում ենք ուսանողներին ծանոթացնել աշխատաշուկային, որ նրանք արդեն իբրև կողմնորոշված մասնագետներ մուտք գործեն աշխատաշուկա: «ԲՐԵՎԻՍ» ընկերությունը շատ ճկուն է և ունի տարբեր աշխատանքների առաջարկներ, որոնք համատեղելի են ուսման հետ: Ընկերությունն իրականացնում է հետազոտական և մարքեթինգային գործունեություն, և այսօրվա մեր հանդիպման նպատակն է հետազոտական բաժնի առաջարկած աշխատանքները ներկայացնելը, որոնք կհետաքրքրեն բոլոր ֆակուլտետների ուսանողներին»:

 

Նշենք, որ ԵՊՀ մի շարք ուսանողներ իրենց մասնագիտական պրակտիկաներն անցնում են ընկերությունում:

 

Այսօրինակ հանդիպումները նպատակ ունեն ներկայացնելու գործատու ընկերությունների գործունեությունը, ընձեռած հնարավորությունները, ինչպես նաև առկա թափուր հաստիքների վերաբերյալ տեղեկատվություն:

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։