02.11.2022 | 
Ուսանողական, Կրթություն
«ՀԱՄԱԼՍԱՐԱՆԸ ԿԱՌՈՒՅՑ Է, ՈՐԸ ՍՈՎՈՐԵՑՆՈՒՄ Է ՈՉ ՕՐԻՆԱՉԱՓ ՁԵՎՈՎ ՄՏԱԾԵԼ ՈՒ ԳՈՐԾԵԼ». ԵՊՀ ՈՒՍԱՆՈՂ ՄԵՐԻ ԲԱՐՍԵՂՅԱՆ
«ՀԱՄԱԼՍԱՐԱՆԸ ԿԱՌՈՒՅՑ Է, ՈՐԸ ՍՈՎՈՐԵՑՆՈՒՄ Է ՈՉ ՕՐԻՆԱՉԱՓ ՁԵՎՈՎ ՄՏԱԾԵԼ ՈՒ ԳՈՐԾԵԼ». ԵՊՀ ՈՒՍԱՆՈՂ ՄԵՐԻ ԲԱՐՍԵՂՅԱՆ
ԵՊՀ միջազգային հարաբերությունների ֆակուլտետի ուսանողական գիտական ընկերության նախագահ Մերի Բարսեղյանն ակտիվորեն մասնակցում է միջազգային տարբեր ծրագրերի: Մեզ հետ զրույցում Մերին պատմել է համալսարանի ընտրության, իր հաջողություններում ԵՊՀ-ում ստացած գիտելիքների կարևորության ու կիրառական նշանակության, ինչպես նաև ապագա ծրագրերի մասին:

Պատմում է Մերի Բարսեղյանը...

 

Բնավորությանս որոշ գծեր համապատասխանում են միջազգայնագետին բնորոշ առանցքային հատկանիշների:

 

Աշխարհաքաղաքական զարգացումներին, պետություններում տեղի ունեցող փոփոխություններին և տարաբնույթ խնդիրների լուծման ուղիներին հետևելը վաղ տարիքից հետաքրքրում էին ինձ: Այս ամենն իմանալու ձգտումն էլ ինձ անվարան ուղղորդեց դեպի ԵՊՀ միջազգային հարաբերությունների ֆակուլտետ:

 

 

Միջազգային հարաբերությունների ֆակուլտետում ստացած գիտելիքները հնարավորություն են տալիս միջազգային հարթակներում լավագույնս ներկայանալու:

 

Ուսումնառությանս ընթացքում մասնակցել եմ տարաբնույթ ծրագրերի և վստահաբար կարող եմ ասել՝ ԵՊՀ ուսանողը համալսարանի տված գիտելիքների շնորհիվ համաշխարհային կրթական ասպարեզում հավուր պատշաճի ներկայանալու հնարավորություն ունի։ Վերջերս Ալբանիայի մայրաքաղաքում անցկացված Ֆրանկոֆոնիայի երիտասարդական խորհրդարանի 9-րդ նստաշրջանում, որին, ի դեպ, մասնակցում էին աշխարհի 27 երկրի ներկայացուցիչներ, ինձ վստահված աշխատանքը բարեհաջող ներկայացրել եմ հենց Երևանի պետական համալսարանում ստացած գիտելիքների ու հմտությունների շնորհիվ:

 

Լինելով ֆակուլտետի ՈՒԳԸ նախագահ՝ ձգտում եմ կառույցի շրջանակում կազմակերպվող միջոցառումների շնորհիվ նպաստել ուսանողների աշխարհայացքի ընդլայնմանն ու նոր գիտելիքների ձեռքբերմանը:

 

Ֆակուլտետի ՈՒԳԸ-ն մշտապես խրախուսում է ուսանողների ներգրավվածությունը գիտական և հետազոտական աշխատանքներում։ Այս ամենից բացի՝ կազմակերպվում են գիտաճանաչողական այցեր, օրինակ, ՀՀ արտաքին գործերի նախարարություն, Ազգային ժողով և այլն։ Հաճախ պանելային քննարկումներ ենք անցկացնում, որոնք հնարավորություն են տալիս ոլորտի լավագույն մասնագետների հետ քննարկելու մասնագիտական արդի հիմնախնդիրները, ստանալու բազմաթիվ հարցերի պատասխաններ և այլն։

 

 

ԵՊՀ-ն ինձ համար սոսկ կրթօջախ չէ:

 

Այն անգնահատելի արժեք է, որը դաստիարակում և սովորեցնում է լինել յուրօրինակ անհատականություն։ Համալսարանը կառույց է, որը սովորեցնում է ոչ օրինաչափ ձևով մտածել ու գործել: Նաև այս է պատճառը, որ որոշել եմ կրթությունս շարունակել հարազատ ֆակուլտետի մագիստրոսական ծրագրերից որևէ մեկում: Հույս ունեմ, որ գիտելիքներս կկիրառեմ՝ ի բարօրություն իմ ազգի և պետության:

 

Մարինե Մկրտչյան

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։