26.03.2021 | 
Քաղաքականություն
«ՍԵՐՎԻՍԻ ԿԱԶՄԱԿԵՐՊԻՉ/ՄԵՆԵՋՄԵՆՏ» ԽՈՐԱԳՐՈՎ ԴԱՍԱԽՈՍՈՒԹՅՈՒՆ ԵՐԵՎԱՆԻ ԹԻՎ 190 ԱՎԱԳ ԴՊՐՈՑՈՒՄ
«ՍԵՐՎԻՍԻ ԿԱԶՄԱԿԵՐՊԻՉ/ՄԵՆԵՋՄԵՆՏ» ԽՈՐԱԳՐՈՎ ԴԱՍԱԽՈՍՈՒԹՅՈՒՆ ԵՐԵՎԱՆԻ ԹԻՎ 190 ԱՎԱԳ ԴՊՐՈՑՈՒՄ
ԵՊՀ աշխարհագրության և երկրաբանության ֆակուլտետի սերվիսի ամբիոնի վարիչ Սեյրան Սուվարյանն այսօր «Սերվիսի կազմակերպիչ/մենեջմենտ» խորագրով դասախոսություն է կարդացել Երևանի թիվ 190 ավագ դպրոցում:

Միջոցառումը կազմակերպել էր ԵՊՀ մինչհամալսարանական կրթության վարչությունը, որի նպատակն աշակերտների  մասնագիտական կողմնորոշմանը նպաստելն էր:

 

Մեզ հետ զրույցում Սերվիսի ամբիոնի վարիչ Սեյրան Սուվարյանն ասաց, որ իր այցի նպատակն աշակերտներին «Սերվիս» մասնագիտությանը ծանոթացնելր և մասնագիտության արդիականությունն ու կարևորությունը ներկայացնելն էր:

 

Հանդիպմանը մասնակցում էին 11-րդ և 12-րդ դասարանների աշակերտները:

 

Վերջիններս ծանոթացել են ԵՊՀ աշխարհագրության և երկրաբանության ֆակուլտետի պատմությանը, կառուցվածքին և գործառույթներին, ինչից հետո պարոն Սուվարյանը ներկայացրել է Սերվիսի ամբիոնի դասավանդման  մեթոդներն ու ծրագրերը:

 

«Աշակերտներից շատերն արդեն կողմնորոշվել էին մասնագիտության ընտրության մեջ, և կարծում եմ՝ «Սերվիս» մասնագիտության հարցում նրանց ունեցած բավարար գիտելիքներն ու այս ամբիոնում սովորելու ձգտումն առաջին մեծ քայլն են»,- նշեց Ս. Սուվարյանը:

 

Վերջինիս կարծիքով, դիմորդներից շատերն այժմ մասնագիտությունն ընտրում են դրա մոդայիկ լինելու համար, բայց շատ կարևոր է հետևել նաև շուկայի պահանջներին:

Այլ նորություններ
ՀԱՄԱԳՈՐԾԱԿՑՈՒԹՅԱՆ ՆՈՐ ԷՋ ԵՊՀ-Ի ԵՎ ԹՅԱՆՋԻՆԻ ՆՈՐՄԱԼ ՀԱՄԱԼՍԱՐԱՆԻ ՄԻՋԵՎ. ԿՆՔՎԵԼ Է ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ
ԵՊՀ ռեկտոր Հովհաննես Հովհաննիսյանը և Թյանջինի նորմալ համալսարանի նախագահ Ճոնգ Յինհուան այսօր առցանց ստորագրել են երկու համալսարանների միջև փոխգործակցության համաձայնագիր՝ ամրապնդելու և զարգացնելու գործընկերային հարաբերությունները, ինչպես նաև իրականացնելու ակադեմիական փոխանակման ծրագրեր։
ԵՊՀ ՀՈԳԱԲԱՐՁՈՒՆԵՐԻ ԽՈՐՀՈՒՐԴՆ ԸՆՏՐԵԼ Է ՆԱԽԱԳԱՀԻՆ ԵՎ ՔԱՐՏՈՒՂԱՐԻՆ. ՏԵՂԻ Է ՈՒՆԵՑԵԼ ՀԽ ՆԻՍՏԸ
ԵՊՀ գիտխորհրդի նիստերի դահլիճում այսօր տեղի է ունեցել «Երևանի պետական համալսարան» հիմնադրամի նոր ձևավորված հոգաբարձուների խորհրդի անդրանիկ նիստը՝ օրակարգային 5 հարցերով, որի ընթացքում ընտրվել են նախագահ և քարտուղար: