17.11.2022 | 
Կրթություն, Գիտություն
ԵՊՀ ՈՒՍԱՆՈՂՆԵՐԻ ՀԱՄԱՐ ՇԱՐՈՒՆԱԿՈՒՄ ԵՆ ՍՏԵՂԾՎԵԼ ԱՇԽԱՏԱՆՔԻ ՆՈՐ ՀՆԱՐԱՎՈՐՈՒԹՅՈՒՆՆԵՐ
ԵՊՀ ՈՒՍԱՆՈՂՆԵՐԻ ՀԱՄԱՐ ՇԱՐՈՒՆԱԿՈՒՄ ԵՆ ՍՏԵՂԾՎԵԼ ԱՇԽԱՏԱՆՔԻ ՆՈՐ ՀՆԱՐԱՎՈՐՈՒԹՅՈՒՆՆԵՐ
«Հաջողակ մարդկանց ամենակարևոր ունակությունը» խորագրով տեղեկատվական հանդիպմանն ուսանողներին ներկայացվեցին հաջողակ վաճառքներ կատարելու հմտությունները և աշխատաշուկայում առկա նոր առաջարկները։

ԵՊՀ շրջանավարտների և կարիերայի կենտրոնի նախաձեռնությամբ ԵՊՀ «Ռոբերտ Շուման» սրահում  տեղի ունեցավ հանդիպում «Ինգո Արմենիա» ապահովագրական ՓԲԸ ներկայացուցիչների հետ:

 

 

Հանդիպման ժամանակ ԵՊՀ շրջանավարտների և կարիերայի կենտրոնի փոխտնօրեն Կարինե Նազարյանը նշեց, որ այն կազմակերպվել է երկու կառույցների համագործակցության շրջանակում՝ ուսանողներին աշխատաշուկայում առկա հնարավորություններին ծանոթացնելու նպատակով:

 

 

Հրավիրյալ բանախոսները ներկայացրին ընկերության՝ Հայաստանում գործող ապահովագրատեսակները, հաջողակ վաճառքներ կատարելու հմտությունները, ինչպես նաև ընկերությունում աշխատելու հնարավորությունները:

 

Ընկերության անհատական վաճառքների բաժնի ղեկավար Սերգեյ Շահինյանը, անդրադառնալով Երևանի պետական համալսարանի հետ համագործակցությամբ կազմակերպվող միջոցառումներին, նշեց, որ դրանք պարբերական բնույթ ունեն: Նրա խոսքով՝ ընկերությունը լայն հնարավորություններ է ընձեռում ուսանողներին:

 

 

«ԵՊՀ ուսանողները կարող են հեշտությամբ աշխատանք գտնել, այդ թվում՝ մեր ընկերությունում, որտեղ անհրաժեշտ են այնպիսի մարդիկ, որոնք սեփական պոտենցիալը բացահայտելու ձգտում ունեն և ցանկանում են հարստացնել գիտելիքները։ Ընկերությունում, անկախ մասնագիտությունից, ուսանողները կուսուցանվի հագեցած և արդյունավետ ծրագիր, որից հետո նրանք ինքնադրսևորվելու հնարավորություն կունենան, անգամ եթե այլ մասնագիտություն ունեն»,- ընդգծեց Ս. Շահինյանը:

 

ՀՊՏՀ ֆինանսատնտեսագիտական քոլեջի ուսանող Եվա Ավագյանը մեզ հետ զրույցում ասաց. «Առաջին անգամ եմ ԵՊՀ-ում և շատ տպավորված եմ: Այս հանդիպումը հնարավորություն տվեց ծանոթանալու ապահովագրական ոլորտին, որն այսօր մեծ պահանջարկ ունի և աշխատանքի լայն հնարավորություններ է ընձեռում»:

 

 

Նշենք, որ ԵՊՀ շրջանավարտների և կարիերայի կենտրոնը մշտապես կազմակերպում է նմանօրինակ միջոցառումներ, որոնք միտված են բուհ-աշխատաշուկա կապերի ամրապնդմանն ու զարգացմանը:

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։