20.06.2022 | 
Կրթություն
«ԲՆԱՊԱՀՊԱՆԱԿԱՆ ԽՆԴԻՐՆԵՐԻ ՄԱՍԻՆ ՄՏԱՀՈԳՈՒԹՅՈՒՆՆԵՐԸ ԲԱՐՁՐԱՁԱՅՆԵԼՈՒ ԳՈՐԾՈՒՄ ՄԵԾ Է ՀԱՏԿԱՊԵՍ ՊՈԵԶԻԱՅԻ ԴԵՐԸ»․ ԵՊՀ ԴՈՑԵՆՏ ՄԱՐԻԱՆԱ ՍԱՐԳՍՅԱՆ
«ԲՆԱՊԱՀՊԱՆԱԿԱՆ ԽՆԴԻՐՆԵՐԻ ՄԱՍԻՆ ՄՏԱՀՈԳՈՒԹՅՈՒՆՆԵՐԸ ԲԱՐՁՐԱՁԱՅՆԵԼՈՒ ԳՈՐԾՈՒՄ ՄԵԾ Է ՀԱՏԿԱՊԵՍ ՊՈԵԶԻԱՅԻ ԴԵՐԸ»․ ԵՊՀ ԴՈՑԵՆՏ ՄԱՐԻԱՆԱ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետում կազմակերպվեց «Բնապահպանական խնդիրների և էկոլոգիական քաղաքականության բանաստեղծական արձագանքներն անգլո-ամերիկյան պոեզիայում» խորագրով սեմինար։

ԵՊՀ եվրոպական լեզուների և հաղորդակցության ֆակուլտետի՝ անգլիական բանասիրության ամբիոնի դոցենտ, բ.գ.թ., սեմինարի բանախոս Մարիանա Սարգսյանը ներկայացրեց բրիտանական և ամերիկյան պոեզիայի համեմատական-էկոքննադատական վերլուծություն։

 

ԵՊՀ դոցենտը մեզ հետ զրույցում նշեց, որ ժամանակակից գրողներն իրենց ստեղծագործություններում անդրադառնում են բնապահպանական արդի հիմնախնդիրներին, և մարդ-բնություն փոխհարաբերությունը մշտապես նրանց ուշադրության կենտրոնում է:

 

 

«Բրիտանական գրականության և լեզվամշակույթի հետազոտության լաբորատորիայի հետ համատեղ ուսումնասիրել ենք անգլո-ամերիկյան պոեզիան, որի միջոցով ներկայացվում են բնապահպանական արդի խնդիրները։ Դրանց մասին մտահոգությունները բարձրաձայնելու, իրազեկելու և անհապաղ գործողությունների կոչ անելու գործում մեծ է հատկապես պոեզիայի դերը»,- ասաց Մ․ Սարգսյանը:

 

Հետազոտությունն իրականացվել է մասնավորապես շրջակա միջավայրի պահպանման և գլոբալ տաքացման մարտահրավերների համատեքստում՝ ժամանակակից անգլալեզու պոեզիայի հենքի վրա։

Այլ նորություններ
ԵՊՀ շարունակական կրթության կենտրոնը Ֆրիդրիխ Նաումանի հիմնադրամի և իրավագիտության ֆակուլտետի հետ համատեղ կազմակերպեց հանդիպում ի.գ.դ., պրոֆեսոր Վահե Ստեփանյանի հետ՝ նպատակ ունենալով ուսանողներին ծանոթացնելու Ֆրիդրիխ Նաումանի «Հանուն ազատության» հիմնադրամի հրատարակած հոդվածների ժողովածուի կարևոր թեմաներից մեկին:
ԳՐՔԻ ՇՆՈՐՀԱՆԵՍ ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ
ԵՊՀ հայ բանասիրության ֆակուլտետում տեղի ունեցավ հայ արձակագիր Ստեփան Ալաջաջյանի «Եղեգները չխոնարհվեցին» գրքի շնորհանդեսը՝ ևս մեկ անգամ արժևորվելու և կարևորվելու ստեղծագործության ուրույն դերը գրականության մեջ: