25.11.2022 | 
Կրթություն, Մշակույթ
ԿԱՅԱՑԱՎ «YSU BAND»-Ի ՍՊԱՍՎԱԾ ՄԵՆԱՀԱՄԵՐԳԸ
ԿԱՅԱՑԱՎ «YSU BAND»-Ի ՍՊԱՍՎԱԾ ՄԵՆԱՀԱՄԵՐԳԸ
«YSU Band»-ն այսուհետ յուրաքանչյուր ամսվա վերջին ուրբաթ օրը հանդես կգա մենահամերգով։ Այդ համատեքստում այսօր կայացավ մեկնարկային մենահամերգը։

ԵՊՀ ուսանողները շաբաթն ամփոփեցին՝ սիրելի ու հարազատ դարձած բենդի երգերն ունկնդրելով․ հնչեցին հին ու նոր, հայկական ու համաշխարհային սիրված երգեր:

 

 

Երևանի պետական համալսարանում, կրթական գործընթացներին զուգահեռ, կարևորվում է նաև ուսանողների արտալսարանային, մշակութային ակտիվ կյանքը:

 

2006 թվականին ԵՊՀ գիտխորհրդի որոշմամբ ստեղծվել է ԵՊՀ մշակույթի կենտրոնը, որի առաջնահերթ խնդիրներն էին բուհի մշակութային կյանքի, համալսարանականների շրջանում անցկացվող մշակութային միջոցառումների համակարգումը, ինչպես նաև ԵՊՀ-ում գործող կառույցների կազմակերպած միջոցառումների համախմբումն ու դրանց որակական չափանիշների ապահովումը: Այս ամենով պայմանավորված՝ արհեստավարժ ղեկավարների միջոցով կազմավորվեցին մշակութային բազմաբնույթ համույթներ, որոնց աշխատանքներում ներգրավվեցին ստեղծագործող և շնորհալի ուսանողներ, դասախոսներ:

 

 

Մշակույթի կենտրոնի կազմում գործում են «Համալսարանական» թատրոն-ստուդիան, աղջիկների պարային համույթը, երգչախումբը, երիտասարդ ստեղծագործողների խումբը, այդ թվում՝ Գրական ստուդիան, «Նիկե» ջոկատը, կինոակումբը և «YSU Band» երաժշտական խումբը, որոնց միջոցով իրականացվում են մշակութային բազմաբնույթ միջոցառումներ:

 

2022 թվականից կենտրոնի տնօրեն Կարինե Դավթյանի առաջարկով կենտրոնն անվանակոչվել է մեծն շանսոնիե Շառլ Ազնավուրի անունով։

 

 

Նշենք, որ «YSU Band»-ի հանդեպ հետաքրքրությունն օրըստօրե ավելանում է․ այս ուստարվա սկզբին բենդին միացած նոր ուսանողների շնորհիվ ավելացել են նաև գործիքները, որոնցով նրանք նվագում են։ Խումբը մշտապես թարմացնում է իր երգացանկը:

 

 

Բոլոր այն ուսանողները, որոնք ցանկանում են միանալ խմբին, կարող են դիմել ԵՊՀ Շառլ Ազնավուրի անվան մշակույթի կենտրոն (ԵՊՀ կենտրոնական մասնաշենք, 6-րդ հարկ, 603 սենյակ)։

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։