02.06.2022 | 
Կրթություն
ՄԵԿՆԱՐԿԵԼ Է 2022-2023 ՈՒՍՏԱՐՎԱ ՄԱԳԻՍՏՐԱՏՈՒՐԱՅԻ ԱՌԿԱ ՈՒՍՈՒՑՄԱՄԲ ԸՆԴՈՒՆԵԼՈՒԹՅՈՒՆԸ
ՄԵԿՆԱՐԿԵԼ Է 2022-2023 ՈՒՍՏԱՐՎԱ ՄԱԳԻՍՏՐԱՏՈՒՐԱՅԻ ԱՌԿԱ ՈՒՍՈՒՑՄԱՄԲ ԸՆԴՈՒՆԵԼՈՒԹՅՈՒՆԸ
Ընդունելությունը կատարվելու է երկու փուլով: Քննությունների և մասնագիտության հայտագրման դիմում-հայտը պետք է ուղարկել admission.ysu.am կայքի միջոցով:

Առաջին փուլի ընդունելության դիմում-հայտը անհրաժեշտ է լրացնել հունիսի 1-ից մինչև հունիսի 25-ը՝ ժամը 18:00-ն, իսկ  քննություններն անցկացվելու են ս.թ. հունիսի 28-ին: Մագիստրատուրայի ընդունելության 2-րդ փուլի (1-ին ենթափուլ) ընդունելության դիմում-հայտը անհրաժեշտ է լրացնել հուլիսի 1-ից մինչև հուլիսի 15-ը՝ ժամը 18:00-ն: Քննություններն անցկացվելու են ս.թ. հուլիսի 19-ին և 20-ին:   Մագիստրատուրայի ընդունելության 2-րդ փուլի (2-րդ ենթափուլ) ընդունելության դիմում-հայտը պետք է լրացնել օգոստոսի 15-ից մինչև օգոստոսի 22-ը՝ ժամը 18:00-ն, իսկ քննություններն անցկացվելու են ս.թ. օգոստոսի 25-ին և 26-ին:

 

Ստորև ներկայացնում ենք 2022-2023 ուստարվա մագիստրատրոսական նոր ծրագրերը:

 

Իրավագիտության ֆակուլտետում այս տարի կմեկնարկեն «Մեդիա և տեղեկատվական իրավունք» և «Միջազգային իրավունք» կրթական նոր ծրագրերը՝ համապատասխանաբար երկու և երեք կիսամյակ տևողությամբ: Երկու ծրագրերն ավարտելու դեպքում ուսանողները կստանան իրավական ուսումնասիրությունների մագիստրոսի որակավորում:

 

Կենսաբանության ֆակուլտետում կմեկնարկի «Գենոմիկա և բժշկական բջջագենետիկա» մագիստրոսական կրթական ծրագիրը՝ 2 տարի տևողությամբ:

 

Մանկավարժության և կրթության զարգացման կենտրոնում հեռակա ուսուցմամբ կմեկնարկի «Ուսուցչական առաջնորդություն» կրթական ծրագիրը՝ 1.5 տարի տևողությամբ: 

 

Քիմիայի ֆակուլտետում կմեկնարկի «Նյութագիտություն» կրթական ծրագիրը՝ 2 տարի տևողությամբ:

 

Տնտեսագիտության և կառավարման ֆակուլտետում կմեկնարկի «Շուկայագիտություն (մարքեթինգ)» կրթական ծրագիր՝ 1.5 տարի տևողությամբ:  

 

Նշենք նաև, որ սոցիոլոգիայի ֆակուլտետում գործող «Հասարակայնության հետ կապեր» կրթական ծրագիրն այս տարվանից կգործի 1 տարի տևողությամբ, իսկ եվրոպական լեզուների և հաղորդակացության ֆակուլտետում գործող «Զբոսաշրջային թարգմանություն (անգլերեն-հայերեն)» կրթական ծրագիրն այսուհետ կգործի 1.5 տարի տևողությամբ:

 

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: